全黑現身銅鑼灣 姜濤被警方截查

姜濤除低口罩同帽,接受警方搜查。

網民發行今日在銅鑼灣購物區遊行,歌手姜濤中午約一時行經銅鑼灣,穿黑衫黑褲黑鞋、戴黑帽和黑口罩的他,行經人群時,被現場的警方截查,需要除低口罩及搜查隨身的背囊,之後便放行。據知,姜濤家住銅鑼灣,事後姜濤在社交網留言報平安「我沒事,請大家放心。」

《全民造星》監製花姐回覆稱姜濤最驚被拍素顏樣,她説:「佢今日要過九龍排舞,佢平時都係戴口罩出街,咁啱經過,佢冇事。(佢住銅鑼灣?)附近。(佢驚唔驚?)佢之後即刻打畀我,話:『花姐死啦!我好驚,好多相機影住我,我冇化妝。』」花姐透露姜濤正為《全民造星II》排舞,她說為安全計,已安排助手,待排舞後送姜濤回家。