【全民造星II】Hugo自學唱歌 同事體諒參賽:未俾人炒仲有成功感

【全民造星II】Hugo自學唱歌 同事體諒參賽:未俾人炒仲有成功感

ViuTV大型選秀節目《全民造星II》今晚(15日)舉行總決賽,終極10強吳啟洋(Phoebus)、李祉均(Oscar Li)、曾比特(Mike)、張天灝(MC)、梁德忠(Tank)、范卓言(JJ)、阮頌揚(Brian)、歐鎮灝(George)、丘凱雄(Hugo)和陳樂(Justin)齊齊爭奪冠軍寶座,雖然一直被視為黑馬的Hugo未能躋身3甲,不過他獨具風格的歌聲仍然令人非常難忘。

《01最賞睇娛樂大獎》「最有話題新聞」包括我最喜愛男歌手、車廂偷食等統統上榜!立即投票贏取超過70萬元豐富獎品,包括終極大獎旗艦手機11 Pro Max,同埋01積分等。

Hugo是中泰混血兒,不過他自詡泰文程度僅能數數字。Hugo在節目中常獲讚歌喉出眾,歌聲具靈魂,A組導師火火甚至斟茶跪求Eric Kwok,拱手相讓原本要加入C組的Hugo,可見Hugo頗具潛力。有趣的是,Hugo接受《香港01》訪問,透露他的唱歌「老師」不是哪位名人,竟是YouTube!「其實我都係入嚟(《全民造星II》)先正式上一次正式嘅唱歌堂,中學會同啲同學去唱k,然後有一年夏天玩咗一個暑假嘅A cappella,然後都係上YouTube學。」

每個人各有長短,如果說Hugo的歌聲是比賽必殺技,那麼舞蹈對他而言必然是死穴。相信不少有留意《全民造星II》的觀眾都知道,Hugo無法跟上練舞進度而大受打擊,甚至在鏡頭前落淚。「其實我個人唔排斥跳舞呢樣嘢,因為我都好鐘意跟住音樂grooving一齊郁,但因為自身支體協調有啲問題,連行平路都會kick親,加上又記唔到啲step,先跳到咁差。」

不過要Hugo再次選擇,他仍希望在《全民造星II》表演唱跳:「我覺得完咗呢個比賽,應該好難再有機會接觸跳舞,所以比(畀)我重新揀過,我都會又唱又跳,就算唔係做得太好,都叫做有嘗試過唔同嘅表演。」Hugo又認為自己與隊友姜濤、Phoebus、Angus和Cotton風格不同,要將自己色彩與團隊融化,對他而言是個難題:「但同一時間,可以喺組員身上用唔同嘅角度去思考表演,同學習佢地嘅魅力,都係件好有趣嘅事。」

Hugo現職廣告撰稿員,今次之所以參加《全民造星II》是為走出舒適圈作不同嘗試,又直言「成個比賽我都當體驗營咁」。為了參賽,Hugo請大約十天假期,他特別感謝公司同事和老闆體諒,更笑言:「我覺得我到而家都仲未俾人炒,比贏咗比賽仲有成功感!」Hugo希望日後可以創作自己音樂,至於未來會想成為藝人,還是繼續做廣告撰稿員,Hugo表示:「Why not both?」

點擊瀏覽《香港01》更多內容和圖集

你可能感興趣:
【全民造星II.評論】唱得跳得睇得都未夠 三甲排名觀眾一早估到
【全民造星II】你看不到的幕後精彩畫面 居然有人唔記得拉褲鏈?