【全民造星II】過百粉絲力撐B4再合體 MC:好開心大家認同我哋

【全民造星II】過百粉絲力撐B4再合體 MC:好開心大家認同我哋

ViuTV年度重磅選秀節目《全民造星II》雖已落下帷幕,惟熱潮仍未過去,以歌唱技巧突出而深受一眾粉絲喜愛的B4組,成員包括MC(張天賦)、June(梁瑞峰)、Eagle(陳天翱)與Justin(陳樂)周六(21日)受品牌邀請出席活動,吸引過百名粉絲到場支持,MC認為這是個難得的機會;Eagle又感謝粉絲們的支持:「係件好開心、好感恩嘅事。」

聖誕就到,準備好禮物未?投【01最賞睇娛樂大獎】,有大把禮物抽喎!超過70萬元豐富獎品,包括旗艦手機11 Pro Max、Dyson風筒,仲可以有01積分換唔同禮品!

說起人氣的變化,MC(張天賦)憶起節目播出前,40強曾到商場出席記者會:「當時同而家最大嘅反差係當時叫到MC都冇咩人嗌,而家一出到嚟已經嗌,差別都幾大,好開心大家開始認識、認同我哋,呢樣係最開心。」June表示認同:「最感動係身邊嘅朋友有實際行動支持我哋、嚟撐場,呢樣係參加比賽時冇諗過嘅,啱啱唱返比賽歌《Mirrors》(Justin Timberlake原唱),聽到Intro係有啲感動,當時準備比賽完全冇諗過今日有機會現場唱。」

Justin感謝Miss Chan Chan撮合B4

B4組今天廣受粉絲們歡迎,Justin歸功於最初的分組策略:「Miss Chan Chan(陳潔靈)同花姐將唱將Group埋一齊,而好多時候導師都會將唔同範疇嘅人放埋一組,可能未必可以發揮到極致;好幸運地我哋四個一齊唱歌有火花,係意想不到。」

至於粉絲均十分關心的B4組未來會否延續下去,MC說:「我哋想專注喺音樂上,我哋都有討論過一齊合作出歌、寫歌、或者有其他作品;大家都鍾意音樂,會循呢個方向進發。」Eagle贊同:「無論用咩形式,都有個宗旨係做好自己嘅音樂。」June續指:「B3、B4有好多意念上嘅交流,希望同大家分享我哋唱歌以外嘅一面。」Eagle就提議跳舞,卻被MC所否決,June打圓場說:「搞笑都得嘅!」

比賽已經落下帷幕,大眾均十分關心各成員的去向,獲得亞軍的MC說:「其實暫時所有嘢都未傾,我哋都要啲時間考慮,都需要諗清楚我哋嘅初衷同嚟近嘅發展方向。唱歌都有好多途徑,暫時所有嘢未有進展。」至於決賽完結後評判之一的林珊珊向傳媒透露幾位評判皆有意簽Justin,對此Justin說:「我好開心佢咁樣講,但所有嘢都係未傾,我自己都未確實自己嘅方向,我都要諗清楚先。」

點擊瀏覽《香港01》更多內容和圖集

你可能感興趣:
【全民造星II】上屆花姐一口氣簽16人 今年邊幾位最有機會加盟?
【全民造星II】冠軍Phoebus IG感謝女友:這是我特別鳴謝的人