入行30年首次紅館開騷 10首趙學而必聽經典歌

入行30年,趙學而今真係開紅館演唱會啦!之前佢先後喺Star Hall及澳門舉行過個人演唱會,今次終於夢想成真,4月28日喺紅館舉行一場演唱會。學而話除咗唱自己嘅經典歌,仲會大唱side track(非主打歌)同別人的歌。不過小編梗係鍾情學而唱自己歌,如果你都係學而嘅忠實fans,以下呢十首歌你一定全部聽過,唔識嘅都唔緊要,相信當中一定會有你所喜歡嘅!

撰文:東方新地

圖片:新傳媒圖片庫、YouTube

延伸閱讀:

零P圖也經得起考驗!7位香港360度 零死角女神

恐怖虐兒 生父繼母被控謀殺 藝人痛斥:希望佢哋得到法律制裁!

趙學而入行30年 首次紅館開騷

趙學而 (原名叫趙慧燕) 終於宣布下月喺紅館開騷,唔少歌迷都認為佢係紅歌唔紅人,但肯定係公認嘅唱得之人,而且係Hi-Fi界嘅寵兒。不過好多歌迷知道佢紅館開個唱,開心之餘又擔心買唔到飛呀!學而被問到會否加場,佢話唔敢講加定唔加,即使開一場紅館個唱,對佢嚟講已經係好滿足嘅事,而且一切視乎售票情況再考慮加唔加場,佢話佢本人始終喜歡「貴精不貴多」!

對於大部份90後或者00後,認識趙學而都係記得佢喺劇集《皆大歡喜》中嘅角色林玉露,其實學而都好唱得㗎!
88年,趙學而參加新秀歌唱比賽,但在半準決賽時(前30名)被淘汰,翌年加入TVB藝訓班,之後成為TVB旗下藝員,先後在《娛樂新聞眼》、《都市閒情》及《婦女新姿》等節目做主持,唔經唔覺咁就30年!

對於歌單及嘉賓名單,學而話一切仍未落實,但對於個唱嘉賓,佢傾向揀啲特別啲嘅嘉賓,例如曾經喺音樂上合作過嘅歌手。

1.《再見了》

94年趙學而推出第一張EP《反叛情歌》,全碟收錄五首歌曲,《再見了》係主打歌之一。首歌講述一位女孩跟男友分手後,用瀟灑心態離開這段關係!當年同學而同期的新人仲有張玉珊、曹永廉、陳山聰、吳倩蓮等,競爭好激烈㗎!

2.《每隔兩秒》

95年中,學而推出了首張大碟《每隔兩秒》,獲得金唱片銷量!由李敏作詞嘅《每隔兩秒》係該碟第二主打歌,首歌喺無綫及港台派台歌曲都攞到第一名,而喺商台都有第二名佳績。其實另一首同樣由李敏填詞嘅《終於可結束》都好好聽㗎!

3.《我恨我是女人》

同樣出自《每隔兩秒》大碟,也是受歡迎作品之一,首歌更係Cash流行曲創作大賽嘅亞軍作品,是一首很經典的情歌。睇吓啲歌詞講苦戀被折磨,「我願你是女人,戀愛不發生,不必求你再熱烈抱緊」

4.《談一場不後悔的戀愛》

張美賢嘅填詞嘅《談一場不後悔的戀愛》都有好多人鍾意同認識,因為係《創世紀2》插曲同配樂,好配合當中嘅劇情,「仍然不知道悔改 天與地隔開 信任奇蹟可以存在 如有幸留住你 純屬意外 因此更深愛⋯⋯」

5.《自欺欺人》

由才女梁芷珊填詞、伍樂城作曲嘅《自欺欺人》在當時非常受歡迎,句句夭心夭肺,「用我青春押一注,換你回頭停留是處,只想你到最後,心中會內疚,還後悔付出的愛不夠!」道盡女人心聲!

6.《尋開心》

「夕爺」嘅詞唔講得笑「我尋你開心 你尋我開心 我們還有甚麼可以恨」,「愛情求開心,沒有所謂敵人,快別要弄壞美好氣氛,別在乎甚麼,所愛非人,誰能讓你愉快,便算,合襯」道出愛情各取所需,到今日2018年依然啱聽⋯

7.《歉意》

《歉意》收錄在首張大碟,係第四主打歌,此曲亮點係由歌手黃凱芹一手包辦作曲及作詞,加學而演繹,冇得頂!

8.《誰明浪子心》

呢首唔使多講,當年唱K必點之一,無論係王傑嘅獨唱版,抑或同學而嘅合唱版本都各有特色!

9.《反叛情歌

學而一出道無論形象同歌曲都好鮮明個性,一出道第一隻EP主打歌,呢套加大碼西裝無得頂,又合配到首歌意境「但我想,自主宰未來,無拘束戀愛,旁觀者評論放開夢,願衝開任何障礙,重回自我和反叛讓你深愛」

10.尋人

當年學而代言咗GAVIN服裝系列,仲拍攝咗一輯電視廣告,而男主角為前亞洲電視藝員袁文傑。尋人》就係廣告歌,所以不時在電視播出!

其實除咗呢十首,學而嘅好歌仲有好多好多,唔知你最鍾意又係邊一首呢?

未紅前絕密靚相曝光 Ali李佳芯女神初育成之路

TVB 2018重頭劇晒冷

TVB 2018綜藝節目晒冷

綜藝節目

延伸閱讀:

86歲高齡紅館開騷 胡楓:我真係好幸福!