入行20年 拍過百部作品 李日昇學霸童星變爆肌男

東方新地 - 娛聞

《跳躍生命線》終於大結局!喺一眾救護員當中,其中一位就係由6歲就開始做童星嘅李日昇,唔覺唔覺佢已經入行廿年,現年26歲嘅佢喺讀書時代成績優異,可以講得上係文武雙全㗎!

編輯:東方新地|撰文:SundayKiss|圖片:李日昇ig ,劇集截圖、劇照、Facebook

延伸閱讀:

2018-19年演唱會時間表懶人包 即刻Mark低喺Schedule Book啦!

點解唔好嘅野都發生喺我身上? 妻子吳香倫患嚴重肺炎陳榮峻自責

《跳躍生命線》中演救護員

全身投入做演員之後,李日昇喺剛結局嘅《跳躍生命線》中,飾演救護員差利張啟冠!

我係消防處救護員張啟冠,先生你放鬆啲先,宜家幫你駁番啲手手腳腳🕺 <跳躍生命線>10月8日聽晚8:30首播啦!! Thank you @judithlv0218 for the photos😊😊👍👍

A post shared by 李日昇 (@leeyatsingg) on Oct 7, 2018 at 1:45am PDT



憑《城寨英雄》「小智」跑出

其實早喺2016年的《城寨英雄》中,李日昇都飾演過有特殊問題的角色,演出弱能人士「小智」。劇中的小智純品又善良,而且正直勇敢,而「強者是為了保護弱者」為宗旨,可惜最後為拯救師叔(何啟南飾) 慘被炸死,令人心酸。

李日昇演自閉青年獲讚

在《棟仁的時光》中,除了趙希洛飾演刻薄上司Emma姐入型入格,備受讚賞,其實劇中演其弟弟的李日昇都相當不俗!李日昇的角色「阿正」係一名自閉青年,李日昇演得入木三而不造作,呆得討好!早前一集佢被袁偉豪強吻後暈倒,繼而出事!

暈倒醒來的李日昇夢遊出走,無意識地行出馬路,結果被車撞倒昏迷!

童星出身 入行20年

今年26歲的李日昇,年紀輕輕,但其實佢當童星出身,6歲起開始參與演藝工作,不經不覺入行20年!多年來李日昇拍過多部劇集和電影,同過唔少紅星藝人合作,講資歷的話其實係老前輩!

從小開始投身演藝界的李日昇曾經話過:「無綫規定11點前所有小朋友都離開,所以不會缺少睡覺時間。不過,有時需要於電視台內做功課及溫習,也有點壓力。因如果成績不好,會連累媽媽被指責她讓兒子去拍戲,以致兒子成績差。所以我努力保持佳績,那時我連續6年也考全級第一。」


李日昇喺《溏心風暴之家好月圓》中飾演林峯嘅少年版。

於《溏心風暴之家好月圓》飾演林峯的少年版最為人熟悉。
仲拍過《妙手仁心II》

獲杜琪峯欣賞

李日昇雖然現時喺無綫多演出一啲小角色,但其實佢多年來參與唔少大製作,小時候就係大導演杜琪峯愛將,演出過《黑社會》、《神探》及《文雀》等作品,參演過超過一百部作品。

李日昇拍《黑社會》時與影帝任達華有唔少對手戲
劉德華、甄子丹主演的《追龍》,亦見到李日昇!

中學時代係學霸

開始歲入青春期,李日昇都仍然有唔少演出機會,例如喺《溏心風暴之家好月圓》中,飾演少年版嘅林峯。而中學時代,李日昇喺傳統名校英華書院讀書,IQ有140嘅佢,更試過連續6年考全級第一!


英華係學界籃球界嘅傳統勁旅,身為英華仔,李日昇打籃球應該都唔會太渣掛!?


細細個奀支支,「病壞」咁嘅樣,長大後就迷上健身,變咗大隻仔。


熱愛運動狂操肌

現實中,李日昇並非如劇中小智或阿正咁潺仔!其實佢熱愛運動,一得閒就狂做gym,操出一身結實肌肉,40吋胸肌真係好吸睛!

 


自己練大隻,又去考埋個教練牌,而家又做埋健身教練,穿上運動服的他指導其他差不多年紀的男演員健身,操fit身形,一起向夢想進發。




何廣沛同張彥博都係跟佢操㗎!



李日昇嘅媽媽係著名粵劇演員傲雪瑩,媽咪有演出佢都一定會去支持。唔知係咪受媽咪影響,李日昇對中國傳統文化都好有興趣。




自己畫的一手好畫,仲會開班教小朋友畫。



要多謝黃浩然

雖然入行多年,但李日昇的演藝生涯未算理想,更曾經有一段時間放棄演員夢去投考消防員。直至有一次佢喺TVB劇《愛我請留言》飾演年輕版黃浩然,佢向黃浩然透露想放棄後,對方同佢講:「不如你去考訓練班啦,嗰度多一啲機會」李日昇早年接受訪問時,直言黃浩然呢句話令佢重燃希望,於是決定加入第27期的無綫電視藝員訓練班,繼續鍛鍊演技。

《跳躍生命線》已經大結局,而家李日昇就拍緊《包青天之再起風雲》。



 


延伸閱讀:

超孝順!乖仔手繪說明書 逐個步驟教歐遊父母用WIFI同影相