億萬金牌司儀鄧梓峰 帶孖仔貼地遊赤柱

東方新地 - 娛聞

提起鄧梓峰,大家可能諗起巴斯光年或者飛機師,外形似足巴斯光年正氣的他,軍事和飛行知識豐富,博學多才還出身非凡,父親經營空運和海運業務,有指家族資產高達20億,不過,這位億萬富貴金牌司儀,卻唔似一般富二代玩世不恭,30歲已經成家,同老婆恩愛並育有四名子女,四個仔女更似足爸爸有書卷味,全部在美國波士頓大學就讀,日前,本刊捕獲鄧梓峰同老婆帶放假返港的孖仔貼地遊赤柱,更教得一對孖仔聽教聽話,行去邊都聽從阿爸發號施令,鄧梓峰還model上身,不停chok擺甫士影相,仲監埋孖仔一齊chok影,三父子合體,似足三個巴斯光年出巡,非常搶眼!

撰文:東方新地 圖片:新傳媒圖片

鄧梓峰帶孖仔貼地遊赤柱

入行31年的鄧梓峰,由商台DJ 做到成為無綫金牌司儀,更是劇集 和電影「綠葉王」,在劇集扮過警司、醫生、律師及機師等專業人士入 型入格,其實鄧梓峰本身正正就是專業會計師,畢業於美國波士頓大學會計 系,他卻選擇放棄高級會計師工作加入娛樂圈,全因堅持興趣行先,亦要多得顯 赫家族背景做後盾。父親鄧廷琮經營空運及海運業務,家族資產被指高達20 億,大哥鄧小宇是作家及「號外」雜誌創辦人,二哥鄧小宙亦是作家並繼承家族生 意,令身為孻仔的鄧梓峰可以冇壓力零負擔做喜愛的工作。

 

一對孖仔在美國波士頓大學升學,日前趁假期回港,已經21歲的Matthew(鄧柏暉)及Justin(鄧松暉)長得高過爸爸,而且眉粗眼大面方方, 同爸爸一樣有幾分似卡通人物巴斯光年!

鄧梓峰帶孖仔遊赤柱,但明顯畀老婆同阿仔更享受, 行到邊影到邊,更用手機睇好晒位,然後先交畀兒子揸機影,對拍照相當認真!

十項全能

出名博學多才,鄧梓峰早年已考獲小型飛機駕駛執照,有300小時飛行經 驗,是香港飛行協會會員,香港航空青年團長官,就因為他的專業駕駛飛機技 術,令他獲監製賞識,在劇集《衝上雲霄》演機師外,更成為劇集的飛行技術指 導。除咗航空知識豐富,年輕時亦曾加入「義勇軍」成為中尉,好學的他更懂四國 語言(中、英、法、德),潛水、馬術、哥爾夫球、劍擊、詠春及筆跡分析,人稱「十郎」也真夠十項全能。

自己影完未夠喉,鄧梓峰叫囝囝擺番同自己一樣嘅甫士影。

 

想做偶像歌手

據知情人士透露:「其實Patrick(鄧梓峰)想入行做偶像歌手,但試音之後完全 冇回音,後尾喺劉天蘭介紹之下,入咗商台做DJ ,之後過咗亞視做主持同司 儀,但其實佢最初根本對主持工作冇興趣,都係因為做咗一個節目之後,令佢搵 到好大滿足感,從此認定咗做司儀係自己嘅人生目標,過檔無綫之後,發展愈嚟愈順利,除咗成為金牌司儀,更加有機會拍劇集,雖然唔係擔正做主角,但機會不斷,亦培養出演戲嘅興趣,喺無綫劇集裡面有句台詞,叫『輕輕鬆鬆鄧梓峰』,就係佢嘅人生寫照,都係活在當下最緊要,所以工作之外,佢有好多興趣,閒時夾band圓佢想入樂壇嘅夢想。」

鄧梓峰行到邊都 chok擺甫士影相,兩個仔就聽 教聽話,幫手揸機滿足老竇。

 

除咗揸機,孖仔仲同媽咪chok住合照。

來自演藝世家

除咗出身顯赫富戶,唔講唔知,鄧梓峰太太更來自演藝世家,太太胞姊、姨 媽、三妹、五妹及表妹,分別是圈中人夏丹、劉韻、華娃及黃宇詩,身為施明妹 夫的鄧梓峰,同施明前夫李家鼎數埋係親戚,四個仔女同李泳漢及李泳豪是表兄 弟妹。不過,鄧梓峰一向低調,甚少談及家族背景,對家人更非常保護,想他們 在冇負擔下過平凡生活。同太太結婚26年,教育四名兒女持開放態度,凡事有商有 量 。 知 情 人 說 :「 本 來 四 個 仔 女 都 係 讀 傳 統 名 校 , 但 P a t r i c k 發 現 , 佢 哋 喺 功 課 上 遇到好大壓力,所以後嚟Patrick幫仔女轉晒去讀國際學校,教仔女更唔會睇重學 業成績,反而係著重培訓佢哋嘅探索精神同自信心,更加好重視一家人嘅溝通,所以由細到大,Patrick 每年都會安排全家人去旅行,仲特別鍾意自駕遊,覺得 一家人喺車入面,可以無所不談,係一個好好嘅溝通機會。」

由碼頭行到去石灘,鄧梓峰一直情緒高漲影唔 停!去到石灘,更睇中架細艇做背景,即刻chok影。

 

老婆同一對孖仔無限奉陪跟到實,為咗幫老公影靚相,鄧太就算辛苦行崎嶇石灘都唔介意。

 

三個巴斯光年出巡

少有同家人公開亮相的鄧梓峰,日前,趁一對孖仔放假返港,夫婦倆就帶孖 仔遊赤柱,唔經唔覺,一對孖仔已經21歲長得高過爸爸,不過家族特色依然keep 住,就係五官輪廓同爸爸一樣和巴斯光年撞樣,父子合體似足三個巴斯光年出 巡,向來教仔有方的他,教得一對孖仔孝順聽話,雖然已經成年,出街仍好聽爸 爸教導,行去邊全程畀爸爸發號施令,見鄧梓峰行到邊影到邊,幫手揸機不在話 下,兩個仔更陪爸爸chok擺甫士影埋一份,氹得阿爸非常開心,父慈子孝婚姻美滿,鄧梓峰堪稱人生贏家。

雖然孖仔已經成年,但鄧梓峰仲係緊 張阿爸,不時幫兒子整理衣服。

 

 

一家人行到攰影到攰,在露天餐廳坐低飲嘢傾偈。

 

老婆是施明胞妹,鄧梓峰同施明前夫李家鼎拉埋都算係親戚。



大女索爆

同老婆結婚 26年,鄧梓峰育有四名子女,除咗21歲雙胞胎孖仔長相似足自己,25歲長女鄧瓊芝(Natalie)及 20歲細女鄧淑芝 ( Sonia)都長得亭亭玉立,前年大女 Natalie大學畢業,鄧梓峰同老婆出席女兒畢業禮,鄧太同囡囡更似足姊妹花。

做到爆騷

鄧梓峰早年已考獲小型飛機駕 駛執照,在劇集《衝上雲霄》演 機長的他,更擔任該劇飛行技 術指導。

 

 

由做商台DJ入行,鄧梓峰在圈 中工作超過 年,除咗係「綠葉王」,更成為無綫金牌司儀,經常爆騷。

 

《使徒行者》,鄧梓峰演卓凱(苗僑偉)的黑警上司,是劇中終極大Boss。

延伸閱讀:

細女王麗嘉失戀派「肉照」 老尷王敏德遷怒老婆馬詩慧

【烈火雄心】緊接《法證先鋒III》播出 盤點8套最想深宵重播的超級神劇