傾心事知好多嘢 黃智雯收買趙希洛

東方日報
黃智雯(左)與趙希洛齊齊自嘲不擅長玩遊戲節目。

無綫藝員黃智雯與好姊妹趙希洛前晚錄影節目《娛樂大家10點半》,兩人自嘲不擅長玩遊戲節目,慶幸並非同組,否則互相拖累,智雯笑說:「我應該打破咗上呢個節目嘅紀錄,上過嚟4次,戰績『彪炳』,不過,有時蠢蠢哋反而贏。」趙希洛則笑謂鍾意講真話,故玩遊戲多數是輸家。

智雯與趙希洛演出的劇集《On Call 36小時》正在深夜重播,兩人皆表示充滿回憶,一班演員識於微時,還保持聯絡及飯敍,智雯說:「就算睇過幾多次都會繼續追,勾起好多回憶。現實同劇中一樣都會同趙希洛講心事,佢知道我好多秘密,不過,佢都好守得秘密。」趙希洛笑說:「我畀佢收買咗。」她們透露《On》劇演員不時在群組討論劇情,問到可有八卦羅仲謙與楊怡BB的性別?智雯笑說:「唔會八卦,亦冇探過阿怡,但係我哋嘅社交網站有佢哋拍拖初期嘅蛛絲馬迹。」