傳12月結婚!林峯40歲生日在即 被胡杏兒催生BB

有傳林峯選擇了自己下月8日生日,和女友張馨月拉埋天窗,喜事打孖來。近來林峯正為《使徒行者3》埋尾,日前難得過澳門出席「第66屆澳門格蘭披治大賽車」,真係人逢喜事精神爽!

撰文、圖片:東方新地

林峯胡杏兒雞啄唔斷互催生BB

林峯一到場便神采飛揚,見到舊拍檔胡杏兒立即雞啄唔斷,更叫杏兒快啲生多個BB,杏兒立即笑謂:「生3個唔使做呀,你快啲生番個就真。」林峯完全唔避忌,更笑笑口話努力中!唔通真係有機會雙喜臨門?恭喜定先!

胡杏兒在澳門賽車賽事上遇上多年拍檔林峯,立即向即將結婚的林峯催生B 。
正在趕拍《使徒行者 3 》的林峯突然宣 布原定 12 月 8 日舉行的生日歌迷聚會取消,之前有傳林峯定於當日即自己 40 歲生日當天跟張馨月結婚。相信這次是他結婚前最後一次公開活動。

郭富城鄭伊健同場「風雲」再現

除了呢兩位舊拍檔,當日有不少圈中人出席,不過講到最矚目定必是郭富城和鄭伊健的出現,郭富城飾演步驚雲和鄭伊健飾演聶風再度合體,非常難得!

「 風雲」兄弟重逢,郭富城和鄭伊健齊齊擺電影中的經典甫士,網友紛紛留言問何時開拍風雲第三集。

城城在IG留 言:「在會場內亦遇上《風雲》的『聶風師弟』伊健,大夥兒在後台拍照敍舊,也是開心。」更成為現場藝人的集郵對象,個個變身小粉絲!

呂慧儀、岑麗香和李施嬅齊齊晒長腿,當然輸畀長腳蟹呂慧儀啦﹗

延伸閱讀:

22歲嫩口丁子朗戒女上位 慳家爆肌小鮮肉靠5招成功入屋

22歲丁子朗懶理家人銀彈引誘 陽光爆肌男終受關注