傳《龍咁威3》因題材問題內地上畫無期

《龍咁威2之皇母娘娘呢?》截圖

「龍咁威,特種警衛,威猛我真勇毅… …」一睇到《龍咁威》主題曲歌詞,電影嘅畫面就即刻出晒嚟。電影第一集由鄭中基(Ronald)、鄧麗欣(Stephy)、張達明、李燦森等人主演,一出街就令人拍手叫好,而家仲係唔少人嘅童年回憶。拍完續集《龍咁威2之皇母娘娘呢?》都一直有人好期待有第三集出現,等咗十幾年,上年電影公司終於宣布喺今年會原班人馬拍攝。

有睇過《龍咁威》嘅網民都知道電影題材一直係從社會現象及集體意識入手,比純粹以戲論戲題材係更貼題更加貼地。一套講述鄭中基於戲中發奮圖強,直到遇上暗戀對象,就更努力成為一位除暴安良好警察。可想而知,電影一直圍繞題材都係同警察有關。雖然係一套較無聊嘅喜劇,但勝在笑點,令人輕輕鬆鬆睇完一套喜劇。

而就近月香港因送中條例,引發抗爭運動,警民關係持續惡化。而《龍咁威3》就係以警察作為主題,正正因為呢個原因,有傳《龍咁威3》被指因題材問題,無法喺內地上畫,而下年賀歲檔期喺香港上畫亦有問題。被泡湯消息傳出後,男主角鄭中基就喺社交網文霸氣留言回覆:「龍3由頭到尾都係計劃拍港產片」。回應一出,大批網民都紛紛留言支持Ronald,除咗支持佢勇於回應呢個行為之外,更表示會入戲院撐佢,今次真係「Ronald好波」!

《龍咁威》截圖
《龍咁威》截圖
《龍咁威2之皇母娘娘呢?》截圖