傳無綫將有裁員潮 電視城人心惶惶 林子博:希望刀下留人!

傳無綫將有裁員潮 電視城人心惶惶  林子博:希望刀下留人!

林子博(Bob)今日(9/11)現身九展為電影《失蹤》首映禮擔任司儀,這套懸疑電影改編自小說內有關結界的內容,並以2005年休班警員行山失蹤案為背景。子博直言十分相信這個世界有結界這回事:「正如太空黑洞一樣,當你進入咗黑洞之後,你就會去咗另一個地方,所以萬分之期待睇呢套戲。」

對於近日有傳無綫將會有裁員潮,子博直言都有收到相關消息:「首先希望呢件事唔係真啦,甚至乎可唔可以將傷害減到最低呢?因為始終出面嘅市道都唔係咁好,咁有啲人真係要靠份糧食飯嘅,所以希望可以刀下留人啦,其實都知道身邊啲舊同事都幾擔心嘅,因為佢哋知道之後會有啲動作會做,所以佢哋都驚。」

點擊瀏覽《香港01》更多內容和圖集

你可能感興趣:
林子博獲浩南哥點名拍ViuTV新劇 不獲無綫續約一樣有出路
林泳淘先雪藏後不獲續約 盤點9位TVB「被離巢」藝人