傳有狗狗中疫 阿Sa陳瀅視如仔女絕不棄養

東方日報
阿Sa及容祖兒愛心爆棚,不時約埋玩狗狗。

有新冠肺炎確診患者飼養的小狗對病毒測試呈陽性反應,不少藝人都擔心爆發棄養潮,當中陳瀅、蔡卓妍及廖碧兒視家中寵物如仔女看待,齊聲表示絕不棄養!

圈中不少藝人都是愛狗一族,由於有新冠肺炎確診者的寵物疑中招,消息一出,令人憂慮飼主會選擇棄養寵物「避炎」,眾星即齊聲呼籲切勿棄養!

陳瀅出名是愛狗之人,她表示:「所有主人都當自己嘅寵物係家人一樣,如果『家人』有事,絕對唔會隨便放棄佢,反而係更加愛惜,畀更多愛佢哋!」養狗又養貓的蔡卓妍(Sa)同樣視寵物如親人:「小動物都係自己家人,唔應該離棄家人。」她強調確診者的狗仔雖然對病毒測試呈弱陽性反應,但不代表狗仔已確診新冠肺炎,叮囑飼主切忌過度驚慌。

郭秀雲憂動物遇害

郭秀雲認為最重要是做足防疫措施,但亦擔心出現棄養潮:「希望大家冷靜啲處理,好多人反應過度。雖然感染咗係好大件事,但我因為環保工作成日去啲比較偏僻嘅地方,嗰度嘅村民反而擔心啲人殺狗,或者有唔鍾意動物嘅人,會想借呢個機會殺動物。」她又表示家中飼養了不同寵物,最近不會帶牠們落街大、小便,盡量做好防疫措施。

廖碧兒怕交叉感染

至於廖碧兒家中有七隻愛犬,她直言視為親生子女:「寵物係我哋家庭嘅一分子,所以絕對唔希望大家因為呢件事棄養。」並指一定要做足清潔工夫,平日出街後會用濕毛巾及溫水為愛犬清潔,自己回家後亦會立刻消毒,之後才接觸狗狗。她表示暫時不會帶愛犬出街,因為當中有四隻經常一起玩,若有一隻不幸染病,其餘幾隻就有機會被傳染,所以要加倍小心。由於不能外出,她會多買玩具給愛犬玩當做運動,亦會買維他命C給年紀較大的狗狗,增強免疫力。

同樣是狗主的馬浚偉,亦在社交網發文回應事件:「莫講話根本冇受感染,就算真係受感染,咪盡力去醫囉!」陳貝兒、歌手馮凱淇亦上載寵物相,明言絕不棄養,會永遠全力愛護主子!

陳瀅錫晒狗狗,當正係屋企人。
陳貝兒攬住貓貓,呼籲大家切勿棄養。