傳撻着劉愷威 湯洛雯落閘:只係普通朋友!

睇嚟冇咩機會咁喎!

無綫藝員湯洛雯在將軍澳電視為新劇《失憶24小時》試造型。有指湯洛雯得林夏薇牽紅線與失婚的劉愷威「撻着」,更指兩人同遊英國,湯洛雯否認戀情,並強調與劉愷威只是普通朋友,也不覺得對方有意追求,她說:「我依家係單身,報道唔係事實,我哋只係普通朋友,唔係情侶關係。(有冇約會過?)冇,我哋都係一班人一齊食飯,有一班人嘅聯絡方法,冇私下傾偈。(一齊旅行?)冇,我同班朋友去咗英國同法國旅行,岑杏賢都有去嘅。(接唔接受到離過婚有小朋友嘅男士?)要睇緣分,自己唔知將來會遇到啲咩人。(有冇機會發展?)冇諗,依家單身,要努力收身。」

湯洛雯近期明顯收身,近日更在網上晒水着,她笑說:「冇之前咁嚇人,但係都冇上過磅,唔知瘦咗幾多磅,依家努力做運動、學溜冰、同埋節食減肥。」大學修讀心理學的湯洛雯戲中飾演心理醫生,她說:「今次睇劇本冇咁緊張,容易啲入手,所有個人冇咁緊張,個人放鬆啲會瘦啲。」