傳心穎求復合 馬國明寧願見舊友飯敍

Eh……即係…朋友係要見嘅…

藝人黃心穎潛水8個月後日前已經返港,雖然有指她是為復出幕前鋪路,但亦有消息指她此行回港是希望與前度馬國明復合,又指佢右耳骨穿咗兩個耳窿做「懺悔」。話雖然此,馬國明似乎未有迹象與黃心穎見面,反而相約咗一班第十四期藝員訓練班同學聚會,出席者有葉暐、陳秀茹、韓世麟、胡啟光等人。

葉暐將相片上載到社交網,見馬國明精神不錯,笑容滿臉,似乎未有受到黃心穎回港而影響心情,葉暐則發文表示:「二十年的友情,真的難能可貴。14期TVB藝員訓練班。」