傅嘉莉水着巡禮豁出去

東方日報
傅嘉莉大晒34C的美好身材,即時搶晒鏡啦!

傅嘉莉(Kelly)日前到了粵北,為旅遊特輯上山下海,Kelly在節目中大晒三點式泳裝浸溫泉,擁有34C咪咪的她搶盡風頭,然而拍攝時因面對男導演而有點尷尬,但效果唯美只好豁出去!

藝人傅嘉莉、江嘉敏和楊潮凱剛到了內地為無綫《識玩旅行團2》拍外景,本是好朋友的三人於旅程中感情昇華,期間流露最真的互窒本色,不過講到搶鏡當然不及Kelly泳裝巡演大晒身材。Kelly起行前已努力減肥,希望以最佳姿態着泳裝浸溫泉,可是此行原來是美食團,幾乎打亂了她的美體大計,幸而狂食之餘亦有不少體能活動,如滑雪、爬山、泰山跳等,故仍可Keep住靚靚身材。

對住男導演尷尬

Kelly稱今次泳裝拍攝算是她的突破,因為在鏡頭前未試過穿這麼多次泳衣,事前準備了不少小背心或長披掛,用以遮掩心口或屁股,可是正式拍攝浸溫泉鏡頭時,導演建議以唯美角度出發,最後她只好豁出去,以三點式泳裝於鏡頭前坦蕩蕩。

Kelly說:「今次我準備咗4、5套泳衣,其實幕前我好少泳裝上陣,今次為浸溫泉着泳裝,拍攝時係男導演,其實有啲尷尬,所以有啲唔自然,但工作應該要專業啲,唯美效果最重要,後來我都豁出去。及後有位女同事幫我拍泳裝相,大家女仔又好好多,即刻表現自然番!」

傅嘉莉與江嘉敏溫泉戲水,畫面暖笠笠。