傅嘉莉廚藝滿分:好快嫁得出

東方日報
傅嘉莉向粉絲大派心心。

藝人傅嘉莉(Kelly)昨日現身活動,講到在《美女廚房》中以高分勝出,令親友跌眼鏡,最開心因廚藝了得而被指嫁杏有期,認為是最大的祝福!

Kelly昨日現身元朗廣場出席「仲夏寵愛藝術館」活動,同場還有明星貓忌廉哥。提到在前晚播出的節目《美女廚房》中,她與沈卓盈拍檔在自選菜式環節中,獲全部試食嘉賓畀滿分「10分」,問到是否放心嫁得出?她開心地說:「啲嘉賓話可以同我嘅追求者證明我係煮得,仲話我同沈卓盈都好快會嫁得出,係今年最大嘅祝福。」又大爆父親一直看輕她不諳廚藝:「佢叫晒啲親友睇我上《美女廚房》,仲話我唔識煮嘢食,一定煮得好難食,點知大家跌晒眼鏡。」

愛貓鍾意「青雲」

身為愛貓之人的她透露家中養了兩隻貓咪,其中一隻灰白色貓仔Bebe,樣子又Man又酷,被朋友暱稱為「青雲」,但性格就似Kelly一樣嬌嗲:「我之前搵過識動物傳心術嘅朋友幫我睇過,原來佢超級唔鍾意Bebe呢個名,佢鍾意叫青雲。」

Kelly覺得自己跟Bebe有前世緣分,最初被其聲線吸引而收養牠:「我收養佢嘅時候,佢畀人剃晒毛又好瘦,仲成日嘔同睇醫生,都經歷咗一段時間,後來終於知道點去照顧佢,佢已經11年冇睇過醫生,所以都好感恩。」

傅嘉莉