停機喪講粗口!鄭俊弘同洪永城爭做揸Fit人

兩個做開乖乖仔,真係唔知邊個比較狠!

歌手鄭俊弘(Fred)剪了一頭短髮到電台接受訪問,他稱是新劇《陀槍師姐IV》造型,劇中他首演反派做社團大佬:「演反派好玩呀,平時多數演正經斯文角色,今次演啲性格火爆,成日鬧人,講嘢都好粗俗嘅角色。」他表示,劇中與羅仲謙和洪永城對手戲最多,更要與洪永城爭做揸Fit人。問劇中是否與洪永城可有互相爆粗?他笑言:「冇,停機後就有。」至於戲中動作場面,他笑謂:「因為今次做大佬,有成班手下跟住,唔使我打。(咁你啲功夫咪嘥咗?)係呀,冇得發揮。」

Fred話要玩火爆,咩玩法先?
佢點都畀Like支持自己。
洪永城都好似窠唔夠氣勢咁!

另講到他有份演出《法證先鋒IV》,原來該劇當年第1、2輯Fred亦有參與演出,但未婚妻何雁詩竟不知道:「話佢知我之前都有份拍,佢反問我有咩?係咪做死屍,幾過分呀講呢啲,我要搵番片佢睇,仲就話當時自己仲好細囉!」

何雁詩點解好似唔知Fred嘅過去?