做一日店長Sell野被拒 衛詩雅靠淚功冧客

衛詩雅示範極速標淚。

【星島日報報道】衛詩雅(Michelle)為護膚品牌拍攝廣告,並在街頭擔任一日店長。她直言一直都想試做店長,因為覺得「嘟貨」好好玩,今次終於一嘗店長滋味。

不過,原來店長真的不易做的,Michelle說:「今次我要負責收銀、補貨同埋推銷產品,最難係sell product,頭先都有俾人拒絕,真係有小小唔開心!」不過,Michelle又怎會容易放棄呢?「我係演員類型嘅售貨員,人哋拒絕我,我就會扮到好慘,同埋真係想喊咁,有啲人就會因為唔好意思而想買喇,我覺得呢招幾有用嘅!我決定如果第時我做售貨員,我都會扮慘!」Michelle馬上即席用30秒示範如何扮慘,攻撼客人,「我求吓你買啦!如果你唔買,我就會俾人炒㗎啦,我屋企有3隻貓、3隻狗等我養,如果你唔買,佢哋就會冇野食㗎啦!」雙眼果然水汪汪,帶有淚光。最後,Michelle被粉絲認出,要求合照。

睇更多