做直播嗌緊張李珊珊「食錯藥」夢遊

東方日報
珊珊做Facebook直播,與網友互動。

前港姐李珊珊神隱七年後近期非常活躍,繼日前為「精神健康基金會」拍短片自揭兩年前患驚恐症後,昨日做Facebook直播與網友互動。珊珊自言首次做直播心情緊張,她稱現時仍有食藥控制病情:「食咗藥兩、三年,醫生話進展速度比預期快,如果以十分去講,依家藥份減至兩分。」

不過,她自爆曾試過服藥後夢遊:「照顧我嘅人見我冇開燈去洗手間,佢事後問番我先知自己係夢遊,原來啲藥唔適合我,所以同醫生溝通好重要。」她又感嘆今年過得並不容易,身邊有四名親人及伯樂離開自己,生離死別難免,但要學懂處理,並認為可以解決的病是一種福氣。

另外,珊珊又感謝古天樂及何超蓮早前仗義幫她拍短片:「當日感受到古仔(古天樂)真係好唔夠休息,但佢真係好上鏡,超蓮好靚女,合作好開心。」她揚言會持續為情緒病人發聲及好好做人。