個個有樣有身材!金剛四大索女晒索相爭上位

今次真係多得金剛呀!

由金剛主持嘅ViuTV旅遊節目《金剛旅神團》大受歡迎,上星期雖然已播放完畢,但就帶挈四位女主持沈殷怡(Shirley)、余逸思(Yoshi)、練美娟及陳俞希(Hailey)人氣急升!

《金剛旅神團》四位女主持陳俞希(左起)、余逸思、練美娟及沈殷怡!

現年25歲嘅沈殷怡原來係高材生,法律系畢系,不過佢對演藝業大感興趣,2014年參選中國地球小姐奪得冠軍,2018年加入ViuTV拍劇及主持節目!身高1米7嘅佢喺四女子中最高,成功憑甜美笑容及高挑身材引起注意,而佢身材都相當火辣,仲不時喺社交網晒性感泳照,大晒事業線!

學霸沈殷怡!
2014年中國地球小姐冠軍!
身材勁高挑!
對面嗰個點食飯?
勁晒性感照!

現年27歲嘅余逸思,2016年參加ViuTV選美節目《美選D.n.A》奪得魔鬼組第一名及全場總亞軍。喺《金剛》中要做「下靶」位畀人「恰」,但節目效果相當好,觀眾都好受落!一身古銅色肌膚,陽光少女味十足,予人傻大姐感覺,網民都似乎好鍾意呢Type女仔,紛紛追蹤佢Instagram,佢都好識做上載泳照回饋大家!

余逸思好有陽光味!
暗黑系女神!
索呀喂!
宅男好受落!

現年30歲嘅練美娟有娟姐之稱,一聽就知幾咁霸氣,並唔係行小鳥依人女神路線!喺節目中大展豪邁個性,同金剛一樣好玩得,仲試飲「毒蠍辣椒醬」,睇到觀眾O晒嘴!不過佢就相對保守,喺Instagram極少性感照,今年情人節時先激罕派福利,上載三點式照派軍糧,網民都話:「娟姐收埋收埋,突然派福利,好勁呀!」

練美娟夠霸氣!
試飲「毒蠍辣椒醬」!
非典型女神!
情人節時激罕派福利!

現年31歲陳俞希由𡃁模搖身一變成ViuTV一姐,無論演出定主持經驗都好多!喺節目中做大姐姐帶領後輩,不過一啲架子都冇,仲玩得好埋!佢又豁出去同「金剛嫂」Nana齊齊浸浴,雖然身材輸晒但成功製造話題提高收視率呀!不過,其實佢身材一啲都唔差,非常均勻,比堅尼照一樣有睇頭!

陳俞希𡃁模變ViuTV一姐!
身材輸咗畀「金剛嫂」Nana!
但其實一啲都唔差!
係Nana太強勁啫!