【係褒定係貶?】你又知唔知呢班藝人花名嘅由來 ?

藝人花名叫得多,大家又知唔知個名係點嚟㗎呢?!

袁詠儀 : 靚靚

一直以來大家都係叫袁詠儀做「靚靚」, 本以為係佢乳名,但原來個名同曾志偉有關。當年佢獲選港姐,曾志偉講笑話佢從頭到腳都冇一處係靚,唔知點解會當選。之後,記者經常安慰佢話佢好靚,自此所有人都叫佢「靚靚」。

方力申:万刀甲

方力申個花名叫万刀甲,其實就係方力申三字除去頭頂部分,。

李克勤:送禮勤

喺2005年,身為忠實粉絲嘅李克勤準備咗禮物送俾曼聯, 到最後竟然有人發現禮物被棄置於更衣室內,之後網民就幫佢改咗個花名叫「送禮勤」。

G.E.M.:宇宙巨G.E.M./宇宙漿

被稱爲巨肺天后嘅鄧紫棋(G.E.M.)出道冇耐網民幫佢個名改咗做「阿漿」,佢之後參加內地選秀節目《我是歌手2》爆紅,同埋佢喺2014年曾經宣佈以亞洲首位華人形象大使搭飛船漫遊太空,不過至今都仲未出發,所以網民幫佢改成「宇宙漿.」及「宇宙巨G.E.M.」。

周柏豪:大文豪/比比鳥

周柏豪花名比較多,首先有大文豪,就係有次周柏豪打爛咗玻璃杯,上載一則非常深奧嘅「潮文」去社交網站,由於佢嘅文彩太過好,因此網友稱呼為「大文豪」。另外,佢仲叫係「比比鳥」,原因係佢有一段時間個髮型好似寵物小精靈中嘅比比鳥。

陳百祥:阿叻

陳百祥花名「阿叻」其實係出於佢英文名(Natalis),之後佢又做過《黃飛鴻》電影中嘅石堅, 凡事認叻,藐嘴藐舌。

譚詠麟:校長

譚詠麟被人叫做譚校長,因為有次演唱會佢對全場歌迷講話紅館好似一間一萬人嘅大學校,你們每日都嚟返夜校,佢就每晚同大家一齊用歌教大家一啲做人嘅道理,佢仲話覺得自已好似呢間學校嘅校長,自此全世界都叫佢校長。

Tommy:樂壇小強

前樂壇組合E-kids成員阮民安(Tommy),多次傳出負面新聞,但仍活躍於娛樂圈,唔少網民覺得佢生命力好似小強咁勁,因此封為樂壇小強。

湯洛雯:靚湯

湯洛雯花名「靚湯」係出自於無綫節目《學是學非》,因為佢個樣生得靚, 又清麗脫俗,一班網民亦改口為「靚湯」。

許紹雄:Benz雄

許紹雄當年喺麗的電視做嘢嘅事時,佢係第一個揸Benz返公司嘅員工。嗰個年代揸得呢個品牌嘅車都非富則貴,之後所有人都叫佢「Benz雄」。