【係仔嚟㗎】古巨基晒BB靚相 群星送祝福

有圖有真相!

東網率先爆古巨基升呢做老竇,他之後在社交網上載BB的相片,更有三人手仔全家福,非常溫馨!他留言:「這個關於我和太太的人生充滿意義的消息,本身打算在農曆新年初一時向各位朋友公布。但由於疫情的爆發,大家都在為抗疫勞心的時候,覺得還是稍後才跟各位分享心情會比較適合。」他續說希望在兒童節公布,但消息一出,已經收到好多朋友的祝福!他說:「在這裏,誠心感謝各位愛我和太太的朋友們和粉絲們。我會繼續做個好丈夫、好爸爸!」

三隻手,全家福,唔知BB係咪同基仔一樣咁多手汗呢?
一索得男!

基仔一索得男升呢做老竇,呢個喜訊火速傳遍娛樂圈,出名人緣好嘅佢獲一眾明星祝賀,好似有張敬軒、胡定欣、陳敏之同李克勤等。二人好友、女神周慧敏都出Post賀BB出世,大呼一家三口都好幸福:「幸福的寶寶 幸福的爸媽 無限祝福💖」而霍汶希(Mani)更表現極動,直言開心感動到喊出嚟,佢哋一直以來嘅心願終於成真!

二人好友周慧敏(左一)都出Post賀BB出世呀~
Mani好激動!

跟古巨基同屬英皇的鍾舒漫得知師兄誕下BB,她說:「我都好Surprise呀!好突然,但係又戥佢哋開心,因為知道佢哋經歷咗好耐嘅愛情長跑,去到結婚,去到有小朋友,我覺得佢哋嘅感受會深過好多人,我都好期待見到佢哋嘅愛情結晶品。」

古巨基親自公布喜訊。
張敬軒、胡定欣、陳敏之同李克勤齊齊送祝福。
鍾舒漫話好期待見「古巨B」。