余香凝改曲風放棄催眠

東方日報
新歌由妹妹余潔滢唱和音,余香凝期望日後有機會推出合唱歌。

余香凝昨日到電台宣傳新歌《無得比》,相隔年多再出新歌的她繼續負責作曲,今次這首勵志歌節奏輕快,她笑言全因被朋友取笑過往作品旋律較慢,似催眠曲:「呢首歌希望帶出唔使同人比較嘅訊息,因為由成長到做嘢,往往會被比較。」現時單身的她笑指將來拍拖會再寫情歌,相信不會是慘情歌。

她指新歌對象包括妹妹余潔滢,因為其讀書成績及身高較妹妹好,媽咪經常將兩姊妹作比較:「自己會諗細妹成日唔出聲,係咪因為受到影響,所以呢首歌都係想寫畀佢聽。」提到妹妹負責唱和音,是姊妹合作的第一步,她說:「將來希望可以有首一齊唱,好想寫一首關於親情、媽咪嘅歌,因為我哋都好錫媽咪。」