余香凝媽媽有艷遇自認輸晒!

東方日報
余香凝早前與媽咪及妹妹外遊,順道慶生。

余香凝日前與媽媽及妹妹去希臘旅行,前晚出席活動時自嘲肥到像多了一個人回來!笑言帶媽媽去「蒲」,媽媽都有艷遇,青春少艾的她自愧不如!

藝人余香凝前晚與Super Girls、周國賢、Dear Jane、廖子妤、馬志威等出席adidas運動品牌活動。日前26歲生日的余香凝,與媽媽和妹妹余潔滢到希臘旅行,為自己及同是7月生日的媽媽慶祝,胖了少許的她自嘲:「三個人去,好似四個人返嚟,我肥咗好多,好似有咗咁!(因為暴食?)都係,因為好Relax同食物油膩。」她揚言要減肥,目標是一個月內減10磅:「依家淨係食蛋同菜,尋日落機執好行李即刻去跑步。」

此行她帶媽媽去「蒲」,參與當地的沙灘音樂派對:「媽媽好青春又跳舞。(佢有冇艷遇?)我哋影相時有人行嚟攝鏡,所以媽媽仲有吸引力,我冇。」旅行期間她與妹妹鬥晒身材,她讚妹妹有事業線,又瘦又年輕:「佢索啲,我都唔敢Show。」其妹稍後會拍劇,她會從旁指導,月底她會到美國為電影《逆流大叔》參與電影節。

Yanny介意報細三圍

同場的Super Girls成員Jessica入紙結婚被踢爆疑似報細兩年,她澄清沒有報細數:「從來冇話過自己幾多年出世,公司叫我盡量唔好講幾多歲,所以我避開呢個話題唔答。(唔介意畀人知年紀?)唔介意,如果介意就唔會喺香港註冊。」問到其他成員可有報細數?Yanny笑言:「我介意被公司報細三圍數字。(咁你幾多?)唔使啦,清者自清!」Heidi笑言反而有Fans想幫她在網上改大年齡:「佢想玩我,幫我改大啲整老我。」另外,馬志威手持拐杖現身,透露因做運動扭傷,引致腰椎肌肉發炎。

余香凝去希臘旅行心廣體胖,回港即刻要減肥。
Super Girls五位成員近日難得聚頭。