余香凝受虐抑鬱向鄧麗欣求救

東方日報
化上「爛面妝」的余香凝在深夜時分浸浴缸拍攝。

余香凝於新片中飾演因長期受虐待而患上抑鬱的角色,化上「爛面妝」的她殘爆上陣,既要浸凍水又要大叫嚎哭,相當歇斯底里!她直言近年接了多個沉重角色,令自己過於繃緊,拍完該片後要抖一抖整理情緒!

藝人余香凝與鄧麗欣日前於元朗屏山一所廢校,為新片《殘影空間》開工,入夜後氣氛更顯陰森。余香凝在片中因深愛丈夫李任燊,甘願被對方長期精神虐待及毆打,結果患上抑鬱,要向精神科法醫鄧麗欣求救。

化了「爛面妝」的余香凝演得相當投入,尖叫嚎哭,她更表示:「夜啲仲要浸喺浴缸,展示長期受虐至傷痕纍纍嘅背脊。」問到現實生活中可有遇過類似的「虐戀」?她坦言:「自己未試過,不過身邊朋友有咁嘅經歷。試過半夜三更接到電話,係朋友打嚟求助,佢啱啱被人打完!」

太入戲要旅行散心

她又表示近期已接演3、4部沉重題材的電影:「搞到自己都有啲負能量,開工成日拍喊戲,所以嚟緊完成手頭上工作後,計劃請媽咪同妹妹到希臘旅行放鬆一下。」她笑言媽媽想跟團,但自己想省錢,故決定自行策劃行程:「到時我帶隊囉。(咁慳想置業?)係有咁嘅計劃,都想媽咪安居樂業。」

橫風橫雨氣氛陰森

拍攝當晚本來天晴,但團隊意外打爆玻璃,隨即橫風橫雨,令人不寒而慄。至於女主角鄧麗欣未埋位前,躲在保母車上為角色培養情緒,未有受訪。

演法醫的鄧麗欣,心痛余香凝的遭遇。
余香凝在新戲中,慘遭老公虐打。