余香凝主動搶花球即晚畀仔撩

東方日報
余香凝於新劇演地產高層,出蠱惑招拉客。

余香凝早前出席友人婚禮時主動搶花球,她直言即晚獲異性搭訕,奈何不合眼緣,雖然心急拍拖,但又覺得未準備好投入新戀情,非常矛盾!

藝人余香凝、朱慧敏、鄭浩南、廖子妤及麥子樂等,昨日出席ViuTV新劇《地產仔》開鏡拜神,廖子妤以短髮西裝Look現身,「女扮男裝」相當搶眼。

呻唔啱眼緣

余香凝透露於劇中飾演「大家姐」:「我演地產分區經理,導演想加插好似《古惑仔》嘅背景,突出地產界嘅蠱惑招數,對我嚟講好大挑戰,而且我仲有個8歲女。」問到可有領教過地產經紀的蠱惑招?她說:「我都想有機會買樓呀!今年26歲,想30歲前事業順利、搵到結婚對象同埋買到層樓畀媽咪。(你之前去Super Girls成員Jessica婚禮攞到花球。)我係搶o架,大家都知我心急,嗰晚去after party都有人主動搭訕,不過可能係眼緣關係,所以冇睇啱對象。其實我都好矛盾,好似好心急咁,但又未ready。」

朱慧敏冧鄭浩南

至於朱慧敏透露與鄭浩南有感情線:「我哋青梅竹馬,暗戀咗呢個哥哥好耐,所以佢去地產舖任職,即使要我做茶水姐姐都冇所謂。(有親熱戲?)冇床戲同咀戲。」又稱首日與鄭浩南開工,即被對方「電暈」。對於朱慧敏讚賞,鄭浩南搞笑說:「咩呀?我都冇正眼望過佢,佢客氣啫。(點樣keep?)年紀大驚身體唔好,所以控制飲食,同埋繼續運動,依家以打網球為主。」

余香凝雖然搶到花球,但感情依然空白。
廖子妤的中性打扮非常搶鏡。
朱慧敏大讚鄭浩南有型,被對方電暈。
鄭浩南