余文樂雙喜臨門?老婆王棠芸婚前驗身

余文樂認戀台灣「皮帶大王千金」王棠云(Sarah) 快一年,今日余文樂在IG上載婚照,正式宣布結婚!其實早在11月余文樂生日時,當日他被拍得載女友到中環Soho區撐枱腳,新車更用二人英文名縮寫的定情車牌(SS17) ,而且兩人已戴上婚戒;而王棠云之後更一個人到中環中建大廈診所做婚前驗身,看來36歲的余文樂隨時是雙喜臨門!

 

余文樂宣布已婚

余文樂今日突然在IG上載一張黑白婚照,宣布結婚,並寫下感言:「在對的時間,遇到對的人,感謝上天把最好的妳安排在最好的時候出現,感謝你的出現讓我的世界充滿正能量,充滿快樂,充滿笑聲,感謝你的純真讓我的世界變得簡單快樂,在這12個月裡你讓我生命發生了巨大的變化,感謝你對我的信任,也感恩你把人生的餘下日子交到我手上,我一定會把幸福帶給你,我一定會好好的照顧你 I love you」恭喜恭喜!

 

老婆婚前驗身

早前王棠云一個人由余文樂淺水灣寓所,坐的士到中環中建大廈,似乎唔多熟路,只見她一個人在大廈地下睇水牌搵地方,然後會合助手,由助手陪同上16樓的診所。據知樂仔和王棠云都甚鍾意小朋友,所以都想盡快生BB !Sarah亦因此做定婚前驗身囉!

王棠云一個人坐的士由余文樂淺水灣寓所出發,去中環中建大廈,原來係去診所做驗身,因為助手未到,她一個人在大堂地下睇水牌,會合助手後,才一齊上樓上診所。

 

正日生日撐枱腳

11月13日是余文樂36歲正日生日,大日子當然要同最愛度過,下午兩時多,余文樂同女友王棠云從淺水灣寓所出發,駕住新購入的林寶堅尼跑車,載女友到中環Soho區撐枱腳。兩人當日表現甜蜜,雖然落住毛毛雨仍無損心情,余文樂擔住遮同女友索性雨中漫步,行去荷李活道上樓上食肆撐枱腳,只見王棠云不時成個身挨埋樂仔度行。

鍾意玩車的余文樂,當日又有新玩具,駕住約5百萬的林寶堅尼跑車,載王棠芸去中環Soho區撐枱腳。

潮戴婚戒

當日余文樂同女友手上都戴住婚戒,話晒係潮人,婚戒都潮過人,余文樂專登在日本訂製,唔係有錢就買得到,還要透過友人幫手才能成功購入。

永遠在一起

其實生日當晚,余文樂已在社交網放閃,除咗有紅色心型生日蛋糕,仲有一大盤朱古力豆,他留言寫道:「Thank you for everything」,好明顯是女友為他準備,在朱古力豆上更印上(SS17 Forever)等字款, SS正好代表二人英文名Shawn及Sarah的縮寫,至於(17 Forever ),網民就猜估係「一起 Forever」,寓意「永遠在一起」,真係唔使食到甜到漏!

王棠云拍拖後不停鑽研廚藝,當日就自製心形蛋糕冧男友,難怪成功箍住余文樂個心!
王棠云仲整咗一盤朱古力豆,豆豆上印上「SS17 Forever」,用二人英文名Shawn及Sarah縮寫而成,「17 Forever」更寓意一起到永遠! 咁有心思,樂仔唔冧先奇!

 

融入男友家 行奶奶政策

拍拖不久,王棠云已經融入男友家中,上月14日,余文樂同家人吃生日飯,她就同男友家人就打成一片。據知情人仕透露:「Sarah講好夜晚會親自下廚,嗰日樂仔就先同女友出去撐枱腳,然後再返屋企準備。其實同Sarah拍拖冇耐,女友已經入晒屋,Sarah仲行埋奶奶政策,唔會一味霸實男友,就算去自己生日旅行,佢都唔介意同埋樂仔屋企人一齊去,等大家可以相處多啲咁話,未來新袍咁細心,樂媽梗開心啦!咪開晒綠燈,想個仔快啲成家立室!」

迎接女友29歲生日,余文樂在lG放閃,po上同女友十指在倫敦街頭漫步相。
同女友去倫敦慶生,仲準備咗大紮鮮花,余文樂一樣落力冧女友!

同樣喜歡小朋友

36歲的余文樂近年修心養性,自從同Sarah一齊之後變得好黐家,亦少有再去夜蒲,Sarah得閒也留在家鑽硏烹飪,而且二人同樣喜歡小朋友,真係好夾!

余文樂出名鍾意小朋友,對住細妹個B已經愛不釋手,難怪他想快啲追翻個!
女友王棠云一樣愛B,已經做咗阿姨的她,就經常黐實姨甥女玩。

 下一頁:男神封盤!余文樂宣布娶王棠云

余文樂

延伸閱讀:

92年港姐邂逅相愛至今 李克勤、盧淑儀的恩愛二三事