余德丞爆喊:人生冇咩意義!

東方日報
講到有機會冇得再做運動、冇得踢波,即淚如雨下!

現年29歲的余德丞(Dickson)於無綫節目剖白去年踢波期間突然休克,徘徊死亡邊緣的心路歷程,當提到有機會不能再做運動時,他激動爆喊:「好似人生冇咩意義!」因哭得淒涼,令不少網友大呼心痛!

藝人余德丞去年8月曾與死神擦肩而過,於球場踢波期間突然休克暈倒,心臟更一度停頓,幸最終大步檻過。他於前晚播出的節目《如果這樣生活》中,憶述當日情況:「當時我喺球場踢波,覺得身體有啲唔妥,於是換人,我坐喺場邊休息,原本諗住閉目養神,點知一瞓就瞓咗兩日,醒番先知咁嚴重!」醫生診斷他為心律不正,出事時心跳比正常超出三倍,心臟因未能正常運作而暈倒昏迷。經歷「大劫」後,Dickson明白世事無常,健康最重要。

「心入面非常難受」

入娛樂圈前,Dickson曾是香港游泳代表隊成員,非常熱愛運動,當他說到甦醒後聽到醫生說他或許不能再做運動時,即淚如雨下,哭着說:「醫生同我講嘅時候,我表面好似冇乜嘢,但心入面係非常、非常之難受,因為由細到大,由小學開始,我已經好鍾意做運動……」說到此處,他更哭得不能說話,要停一停才續說:「我仲好想可以喺球場上搏命,如果冇得踢,好似人生冇咩意義……但掉轉頭諗,可以執番條命,生命同運動要揀嘅話,冇辦法,一定係揀條命,因為要對自己同屋企人負責,要接受呢件事。」

Dickson向來觀眾緣不俗,今次真情流露,令不少視迷及網友為之動容,紛紛留言支持他,並指看到他哭得如此厲害,十分心痛。