余德丞執番條命量力而為 定期體檢

東方日報
余德丞康復後,已逐步回復以往的生活節奏。

無綫藝員余德丞前晚在將軍澳電視城拍攝節目《娛樂大家》,對於台星高以翔拍攝內地節目時猝死,去年踢波突然昏迷、心臟一度停頓的他說:「今朝講波講到6點,之後收到好多朋友嘅訊息講呢件事,係好可惜。(勾起你嘅回憶?)我真係好好彩,可以醒番。(依家身體點?)相當好,已經返去以前嗰個生活模式同節奏。希望大家量力而為,唔好恃住後生,唔好為工作搏到盡。」並透露已經再踢波及健身,但不會像以前般劇烈,並奉勸大家要定期做體檢。

同場的節目嘉賓有商天娥、胡諾言、黃嘉樂等,商天娥對主持森美笑說:「睇咗你個籮柚(指節目《森美旅行團》)。」眾人起哄指丁子朗亦有露股,汪明荃即問:「邊度有得睇?」現場再起哄叫二人晒股:「阿姐想睇呀!」商天娥透露剛與無綫簽了部頭合約,明年農曆新年後拍攝時裝劇。