佘詩曼鍾嘉欣坐鎮《法證Ⅴ》賣關子

東方日報
不少觀眾歡迎佘詩曼(圖)與鍾嘉欣再拍劇。

無綫熱播劇《法證先鋒Ⅳ》收視再報喜,不少觀眾期待開拍第5輯,有傳佘詩曼與鍾嘉欣回巢拍攝,總監製梅小青大賣關子,指大結局自有分曉。

藝員譚俊彥、朱晨麗、陳煒、張曦雯與陳敏之等,昨日於將軍澳電視城宣傳劇集《法證先鋒Ⅳ》,席間公布第26集直播收視高達36點,逾235萬觀眾收看。有傳劇集改結局,留下伏線預告佘詩曼與鍾嘉欣拍第5輯,總監製梅小青指劇本早已送檢,否認改結局,並大賣關子說:「大家星期五睇完大結局就知,如果再開拍呢個就成立,如果唔開呢個問題就唔使講,佢兩個都係我好鍾意嘅演員。」提到其兒子一直希望她退休,她笑言:「個仔都知我有啲心動,就傳啲孖孫嘅可愛相畀我,話畀我知要點做。」

朱晨麗:我唔會生安白造

至於朱晨麗早前爆洪永城拍《多功能老婆》時擅自加咀戲,有傳二人因此反目,若開續集「有你冇我」!有份拍《多》劇的陳煒認為二人只是欠缺溝通,不是大件事。至於朱晨麗被問可有機會再與洪永城合作?她說:「我OK,冇芥蒂,但係拍戲、活動呢啲都係公司安排。(洪永城暗示唔想再合作。)都係嗰句,有乜合作都係公司安排。(陳煒話你哋欠溝通?)有溝通,我之前都講過我唔止一次打畀佢安慰佢。(拍攝嗰陣有溝通?)我所講嘅嘢唔會生安白造!有同佢道歉、講唔好意思,件事隔咗咁耐,唔好再放大。(洪永城話對你No Comment,有咩睇法?)冇乜點睇。(驚嚇親其他男演員?)唔會,我同好多男演員合作過。」

譚俊彥:演員唔會諗咁多

曾與朱晨麗合作劇集《特技人》的譚俊彥說:「朱朱都試過冇同我講錫我,但有時導演就係想要演員突如其來嘅反應,大家係專業演員,唔會諗咁多。」

鍾嘉欣
陳煒、朱晨麗與譚俊彥很想梅小青開拍第五輯。
張曦雯露蛇腰搶風頭。
收視理想,陳敏之High到爆。