佘詩曼讚梁靖琪BB女「好Man」 契仔契女太多:封利是封到窮

佘詩曼讚梁靖琪BB女「好Man」 契仔契女太多:封利是封到窮

現年44歲的「視后」佘詩曼於2016年成立個人工作室後,開始轉戰中國內地影視界,18年參與拍攝的《延禧攻略》更成為家傳戶曉的電視劇集而人氣急升。不過近兩年她似乎有減產跡象,放慢了生活節奏,不少粉絲也十分渴望她再登熒幕。今日(1月4日)她出席香港的美容品牌活動時,便透露有關下年度的工作安排。

佘詩曼最希望來年工作順利、開心︰「做到自己想做嘅事、拍多啲好嘅作品畀大家欣賞。今年我希望將工作重心放喺香港,又或者會兩邊走。電視劇都有機會拍嘅,不過我更希望可以拍到一部好嘅電影。」

提起日前梁靖琪(Toby)誕下一名女兒的喜訊,佘詩曼在訪問就大讚BB十分可愛。好說:「BB隻眼好大,同埋我覺得佢個BB個樣好Man(英氣),睇相嘅話,似Daddy多啲。我過兩日就會去探下佢,仲會買啲衫仔、鞋仔咁,嗰啲Minions衫同鞋都好得意。(咁多契仔契女,過年咪封好多利是?)係囉,就嚟過年,真係封(利是)都封都窮,但係開心嘅。」

點擊瀏覽《香港01》更多內容和圖集

你可能感興趣:
佘詩曼女俠造型開P迎新年 網民瘋狂畀Like大讚好正
2020陸劇推薦︳延禧攻略粉絲必睇!佘詩曼新劇竟與霸王別姬撞橋?