佘詩曼嫌煩唔帶「女婿」見媽咪

東方日報
阿佘笑言已收爐,但仍出席代言活動。

佘詩曼昨日出席代言活動,透露上月已收爐,期間到了日本、泰國及台灣旅行,問旅伴是男定女?她說:「係女仔朋友。(冇男仔?)我都想,希望盡快。(喺內地拍劇冇合適對象?)都係合作對手。」稍後農曆新年,她會陪媽咪拜年及整蘿蔔糕,問會否帶多個人幫手?她笑說:「佢已經有3個工人姐姐。(帶個女婿去?)識整就好,唔識仲煩。」過年後她將到內地開工,但暫沒工作要到武漢:「搭飛機會戴口罩,食多啲維他命同休息多啲,增強抵抗力。」

同場還有名模馬詩慧與細女王麗嘉,王麗嘉指家姐王曼喜換畫太快,自己則較慢熱,已一年冇拍拖。

偕媽咪到場的王麗嘉,自認感情方面較慢熱。