佘詩曼做美食探員 踩足9粒鐘冇得食面都燶埋

阿佘一心以為係「賺錢打工」!

大陸真人騷《看我的生活》請得視后佘詩曼(阿佘)參與,最近嘅一集佢挑戰做美食探員,覺得有得食有錢賺不知幾好!佢仲整咗份手工履歷,面試時獲讚有心思!雖然面試要經過兩輪,但按劇本走就當然通過啦!

自製履歷!
面試就當然順利通過啦!

獲聘用後,佢夜晚就已經可以跟同事出去試食,點知一切都事與願違,要訪問餐廳老闆做筆記,當佢以為有得食時,點知又要影相,搞到阿佘忍唔住黑面,做足9個鐘都冇食過嘢,不過佢都好專業,努力唧出笑容同啲嘢食影相,搞到佢都忍唔住用廣東話講「有得睇冇得食」!到完全工作後,阿佘聽到可以食時即露出笑容呀!

點知做足9粒鐘都未食得…
訪問完又要影相!
笑~~
阿佘都忍唔住黑面…
有咩慘得過美食當前冇得食…