何雁詩餵缽仔糕 陳山聰:咪掟出嚟!

東方日報
何雁詩餵蒙眼陳山聰食缽仔糕,笑爆全場。

無綫劇集《天命》眾演員昨到街市宣傳,大玩遊戲炒熱氣氛,期間陳山聰玩蒙眼估食物時,何雁詩自揭私密提供貼士,山聰話頭醒尾,當堂估中是缽仔糕。

藝人陳展鵬、譚俊彥、何雁詩、李施嬅、陳山聰、陳自瑤等昨日宣傳新劇,譚俊彥與李施嬅互笠高帽讚好戲,表示隨後有很激的精彩「床戲」,他笑言只是在床上做戲:「唔係嗰啲床戲,情緒好激啫!」又取笑爸爸狄龍自戀說:「佢睇完套劇,話覺得好似係自己做緊咁。」而在玩遊戲環節時,山聰蒙眼試食,何雁詩餵他食缽仔糕時笑說:「我成日用嘅。」山聰醒目估中,笑說:「你唔好掟出嚟喎,缽仔糕吖嘛!」場面十分惹笑。

恨生女冇人幫

拍攝此劇時譚俊彥接得太太通知他再做爸爸,笑指時間過得很快,單身的李施嬅聞言直認恨生仔,並要求介紹男士:「我都好想生仔,我一定會生,自己鍾意女多啲。」又說已恭喜造人成功的李亞男:「好羨慕佢哋『處女黨』個個都生,我哋(胡說八道會)就得杏兒做咗媽咪。(入錯黨?)唔係,我哋呢班投入做嘢啫,我同定欣都想生,但搵唔到人同我哋生,哈哈。」

展鵬變住家男

陳展鵬近半年經常去街市買餸,但不是為女友單文柔下廚,他說:「因為要煲湯畀媽咪飲,依家煲湯OK。有時都有着數o架,會揀啲靚啲嘅畀我,買錯嘢仲有得換。媽咪身體冇惡化,進步階段中,但比較緩慢。」

他更慨嘆變成住家男人:「仲畀單文柔寸,話唔想我咁快轉呢個形象。煮嘢食佢叻啲,我甘拜下風。」

陳山聰
李施嬅(左)未婚恨生BB,大可向陳自瑤請教。
陳展鵬(右)化身暖男煲湯畀媽咪飲,譚俊彥大讚孝順。