何雁詩生B慢慢嚟:驚鄭俊弘唔得!

東方日報
鄭俊弘、何雁詩好冤氣。

現年36歲的藝人鄭俊弘(Fred)與27歲的何雁詩(Stephanie)拍拖兩年多,終修成正果,鐵定今年底結婚,二人以準新人身份在鼠年大年初二向大家拜年。談到生B大計,Stephanie指自己大把時間,只是擔心年長九歲的阿Fred「唔等得」,不過,他們已計劃3年後會發力造人!

鄭俊弘、何雁詩是2020年娛樂圈首對宣布婚訊的藝人,雖然婚禮於年底才舉行,但這對「準新人」早前為本報拍攝賀年照時已滿布粉紅場面,Stephanie不單為「老公」配襯服飾,又細心為他整理儀容,拍照期間更不時親暱靠着對方,又作狀獻吻,而Fred則輕撥Stephanie秀髮,又從後攬實她,甜蜜指數爆燈!

初一玩到初七

談到今個農曆新年,Fred透露將聯同「太太」及未來岳父岳母到泰國,過一個熱辣辣的春節,Stephanie為了此行,細心安排連串活動,她說:「我幫大家報咗個Course,瑜伽、高爾夫球乜都有,有啲堂由朝到晚都有,大家咪可以上完堂一齊食飯囉!做運動之餘又順便減肥,初一到初七有排玩。」雖然人不在港,但二人笑言也會為屋企布置一番,增添喜慶氣氛。

仲後生有8年時間

兩人即將結婚,問Fred婚後會否把全份糧「上繳」給太太?他即說:「又唔好,屋企開支平時都一人一半,婚禮就我負責啦!」Stephanie聞言即冧爆大讚「老公仔」Man爆,問到二人會否於年底宣布雙喜臨門?準新娘耍手擰頭說:「唔會,結婚已經好大件事,生B就再遲一步先,啲人話35歲生先叫遲,我依家27歲,仲有8年時間,係驚老公唔得啫!」對於生B,她指父母也沒有給予壓力:「爸爸好鍾意小朋友,佢60歲時都問阿媽要唔要生番個,佢依家70歲,咁我都想佢哋有多啲爺孫樂時間,所以可能30歲頭生啦!」

對於二人相戀時受盡壓力,如今卻順利展開人生新一頁,Stephanie坦言他們相處以來很簡單,起初的確擔心被外間質疑,但及後反而令他倆感情更堅定,很快便認定對方為終身伴侶,如今算是一個完美結局。

服裝:Topshop

何雁詩話明結完婚唔生住,鄭俊弘當然同一陣線。
鄭俊弘Backhug何雁詩So Sweet。