何超蓮久違三點式再現 網民留言鼻血停不了

東方新地 - 娛聞

賭王何鴻燊三房千金何超蓮出晒名樣靚身材正,全城公子哥兒還是藝人都被佢迷倒,最近仲喺銅鑼灣鬧市開埋牛肉麵店,千金本人經常喺舖頭打點,做生招牌勁吸睛!雖然最近超蓮忙於打理生意,不過今日仍有泳衣福利益大家!

撰文:東方新地|圖片:東方新地、Instagram

  

何超蓮久違三點式再現

何超蓮貴為何家最索千金,有錢有靚樣有身材,一舉一動都備受關注,尤其是網民都勁期待佢會喺網上派福利照!日前超蓮喺IG為護膚品牌LaMer宣傳新產品,以及宣揚保護海洋的訊息,久違的三點式再現人前,相中見到超蓮側身輕撥秀髮,雪白玉背表露無遺,睇唔到正面都一樣超索!難怪留言的明星及網民們都大讚佢係女神,仲話流晒鼻血~

 

何超蓮開麵店 做人肉廣告牌

無花無假,何家最靚千金日前由屋企出發上保母車,打算過澳門,首先返最近投資開設嘅牛肉麵店巡視業務,喺銅鑼灣鬧市左穿右插,再上保母車去第二站嘅上環信德中心,由專人接落車、行VIP通道、上到直升機,都係一個電話加銀包,全身嘅重點裝束係上身嘅自家麵店員工Tee,睇得出超蓮幾咁事業心重,為自己創業嘅麵店全天候為麵店宣傳,自己做埋人肉廣告牌點都好過花多多錢廣告費,超蓮印證畀大家知何謂有樣有身材兼而有智慧!

何超蓮

無論考會計師牌、入主家族生意、澳洲開酒店定讀碩士進修,何家千金超蓮樣樣都專心又瞓身,最新個人企劃開牛肉麵店,又係日日落鋪頭幫手、去到邊都著住件鋪頭tee做人肉廣告牌。真正富貴係超蓮呢種,出轉門淨係帶手機同銀包,使乜用H字頭包包去證明身價!

何超蓮
何超蓮

27歲超蓮青春無敵,麵店Tee加條牛仔熱褲,一對又白又長大腿勁吸睛!超蓮坐保母車都揀坐喺司機位旁,毫無架子!

何超蓮

千金專車駛到上環信德中心,貴為賭王女,自然有專人守候接待行VIP通道去搭直升機。

何超蓮

早前超蓮出席活動時,也是穿上自家麵店嘅黑色員工tee,佢解釋剛從麵店打點一下趕來活動,之後又要再返店,為自家麵店瞓晒身!

何超蓮

一件頭 一樣索

事業心重的超蓮,都冇忘記班好姊妹,上月超蓮27歲生日,在淺水灣包了一家露天酒吧開泳衣party,相中見到超蓮同幾位姊妹都著上同款泳衣,雖然就係一件頭,不過都輕露事業線,盡騷線條,索呀!水著派對靚相中,仲見到一大班靚女迫喺大木桶中,非常熱鬧!

何超蓮

同陽光玩遊戲

超蓮樣靚身材正,雖然貴為名門之後,不過佢就毫不吝嗇美好身材,之前去同陽光玩遊戲,都有靚靚泳衣照睇~

去年五月出「股」惑

去年超蓮同幾位姊妹到泰國布吉旅行,激罕地上載身穿黑色三點式泳衣的靚相,世界級美股極吸睛!不久後超蓮的同行好友上載眾人享受陽光與海灘的索爆泳裝照,自拍照中可見超蓮甜笑望住鏡頭,黑色比堅尼將其豐滿上圍表露無遺,酥胸半露,皮膚白滑,真係噴晒鼻血!

驚艷全場

超蓮每次展示性感一面,勢必成為全場、甚至全個網絡的焦點,當年佢呢套大Deep V晚裝堪稱經典!

 

延伸閱讀:

陸永細女5歲生日 陸永嫂:全家最愛嘅小寶貝!

賴慰玲囝囝萌爆登場 被封新一代柔情星B