何珮瑜絕情掟爛男友電腦

東方日報
松岡李那身形弗到漏,擺出S形甫士!

演員何珮瑜、張建聲、松岡李那前晚出席電影《作家的謊言:筆忠誘罪》的首映,何珮瑜在片中素顏加上醜怪妝製造驚慄效果。她指角色很絕情,得不到的東西情願玉石俱焚:「最初睇劇本時,想起同初戀男友鬧交,打爛咗佢部電話同電腦,覺得自己同個角色有少少似。」拍攝時她要增肥20磅:「用咗半個月去增20磅,當時每日食六個飯盒。後來蕭定一話劇本好好,唔想嘥咗套戲,提議再加幾場戲,咁我已經開始減緊磅,所以有啲唔連戲,但係加咗幾場戲出嚟效果就更加好。」

張建聲則首次任監製,他指試片後有口碑,但慨嘆低成本港產片難以生存,會多點謝票答謝支持。問到下一步是否做導演?他說:「冇咁快,睇吓套戲票房點先,同埋都係做好演員先。」剛拍攝完另一新片的他,因在片中飾演多重人格角色,情緒暫時未平復。

何珮瑜、張建聲瞓身為新片做宣傳。