何廣沛畀死黨截胡 絕交!

東方日報
陳曉華作學生妹打扮,毫無違和感。

藝人何廣沛、陳曉華及張彥博昨午於九龍塘學校區,為新劇《食腦喪B》開工,三人以校服Look現身,劇情交代廣沛一直視曉華為女神,驟雨下想送雨傘給她留念,可惜遭阿博「捷足先登」,濕身廣沛無奈離開!這場戲勾起廣沛「痛苦回憶」:「讀書嗰陣我性格比較內斂,好多時候都係暗戀人多,鍾意個女仔但一直唔夠膽表白,突然間有日佢同我講,叫我唔好再聯絡佢,原來佢已經同咗我好朋友一齊,而呢位好朋友係我死黨,佢知內情,最終我都同死黨割咗席,覺得佢欺騙我。」

陳曉華「情信」冧學姐

談到緋聞女友朱晨麗的婆婆辭世,廣沛表示知道消息亦感愕然:「有聯絡佢,不過回覆好簡短,好明白佢依家心情,親人離世唔係容易面對嘅事,要畀啲時間佢沉澱、消化,佢心情平復會聯絡大家。」

至於求學時讀女校的曉華表示當時未有「收兵」,但自爆曾寫「情信」給學姐:「佢係社長,覺得佢好叻,我以佢為榜樣,後來我亦當選社長,同樣又有師妹喜歡我囉!」

何廣沛的Puppy Love有個痛苦回憶。
張彥博捷足先登同陳曉華一齊,何廣沛(左)好冇癮。