何廣沛搓假人練技巧

東方日報
何廣沛

演員何廣沛昨日出席活動,表示15歲移民美國讀高中時學過心肺復甦,是必修課程,問到可有試過幫女同學人工呼吸?他笑說:「有幻想,實際係同假人,要搓佢同埋接吻。」講到緋聞女友朱晨麗之前拍劇暈倒,可有幫手人工呼吸?他笑說:「佢暈嗰時我唔喺身邊!我夠暈啦,都冇人幫我做。」

他表示之前拍劇可以將急救知識學以致用:「有啲場口要模仿做心肺復甦,其實唔可以真做,真人承受唔到,肋骨會斷!」又建議學生要學習做心肺復甦:「可以提高急救知識,當嗰個人喺鬼門關時,就可以幫到人。」