何廣沛做綠葉催淚

東方日報
劉佩玥與小演員大受歡迎。

藝人劉佩玥(Moon)、何廣沛、張曦雯和張文慈等昨日為無綫劇《跳躍生命線》宣傳,與觀眾大玩遊戲,何廣沛等猛男大騷體能做掌上壓。男主角馬德鐘因身在西藏缺席,但有拍片幫大家打氣。

Moon透露劇中扮演救護女騎士,故要學揸電單車:「我同陳瀅事前專誠去咗學電單車,不過未考牌,嚟緊會去做,相信第日可能用得着。其實我哋每個角色背後都有個故事,嚟緊會交代我點樣由戀愛死胡同走返出嚟。」至於廣沛則多謝李成昌帶他入戲:「我哋一段父子情好催淚,本來昌哥想休息唔接呢套劇,多謝佢最後肯演,幫到我好多(入戲),佢係主角,我係綠葉咋!」此外,榮升姑媽的張文慈於《跳》劇內扮演「13點」港女引起話題,她搞笑澄清:「我本身真係唔係港女,嚟緊會交代我點解會變成咁,有得發揮o架!」

何廣沛(左)與郭子豪即場做掌上壓,體能不俗。