何依婷恨拍拖目標搵內向男

東方日報
何依婷人紅惹是非,擔心因而嚇走追求者。

前港姐何依婷前晚與孫慧雪現身電視城,為今晚播出的慈善節目綵排打中國鼓環節,同樣企首排的兩人笑言冇信心,前者表示冇力打鼓,靠演投入感搭救,後者則自嘲手腳不協調,晚晚借用囝囝的兒童鼓來練習,卻次次被他搶番走!

講到爆紅後劇接劇,還忽然揸名車,何依婷笑指根本沒有富貴過︰「係二手車嚟,以低過市價一倍有多咁買番嚟。(紅咗多是非?)有次喺街發現記者係好驚、好徬徨,但之後諗通咗,覺得冇所謂,素顏出街都唔怕,反而擔心會嚇走追求者。(有追求者?)有,自己都想拍拖,偏向揀圈外人,鍾意男仔內向啲,對住我熱情就得。」談及節目《姊妹淘》翻生,主持之一的雪雪透露月中復拍,屆時會專攻教整靚甜品。

孫慧雪自嘲手腳唔協調,表演打鼓怕出醜。