吸金王也是廿四孝爸爸!陸永孖索妻分頭湊女

東方新地 - 娛聞

娛樂圈生存之道除咗實力,仲要講風向。當紮人氣高企梗係要有風駛盡𢃇盡做盡 賺,不過為拼事業為養家活兒,咪就係會好似農夫陸永咁,犧牲唔少親子家庭樂囉! 轉數快瓣數多,百足影視歌咁多爪廣告接不停成為娛圈吸金王,呢頭忙完宣傳新劇《婚姻合伙人》,嗰頭又出發倫敦同鄭裕玲拍新一輯《Do姐去Shopping》,留港時間所剩無 幾,陸永向來自理能力偏低,全靠有個靚老婆一打十打理得頭家井井有條。日前陸永 趁出發去同Do姐拍節目前,嗱嗱聲幫輕老婆兵分兩路湊女放學,做番個稱職爸爸喺 囡囡面前搶分。

撰文:東方新地 圖片:新傳媒圖片、IG

陸永靠湊女搶分

結婚八年,分別育有七歲Hannah同五歲SimSim兩個寶貝女, 婚後陸永瞓身賺錢養家之餘,亦都出名錫到老婆Reina燶。咁又難 怪,Reina唔止靚女出得廳堂,亦都十八項全能湊女煮飯跟功課幫女 扮靚樣樣耍家的生活智慧王。陸永年終無 休搵食至上,難得放假做替工湊一次女,總 在社交網絡忍不住慨嘆老婆持家有道樣樣安 排井井有條,又自爆搵食以外係生活白 癡,未考車牌出街要依賴老婆、日前連床頭 電話叉電過熱自燃險爆都照樣沉睡,多得醒 目老婆及時出手「多謝陸太嘅嗅覺救咗我條 命,亦都為世界挽救了一張美好的臉!」

平時陸太一個湊兩個固然井井有 條,難得陸永客串湊 細女放學,SimSim一 見爸爸一臉雀躍,拖實手仔一輪嘴講 不停。

 

陸太驅車送陸永到 九龍城等放學,未 夠鐘,陸永一支公 先行食個雞飯醫 肚、再買杯大啡提 吓神。

分頭湊女sweet爆

《婚姻合伙人》憑飾演毒男入型入格的陸永人氣再升,工作排山倒海又要出埠同拍檔C君跟住Do姐去倫敦,陸永自知身不由 己經常缺席家庭生活,臨上機就爭取時間同老婆分 工湊女。今年七歲的Hannah已入讀西貢區小 學,SimSim就仲喺九龍城讀緊幼稚園,日前照舊 由陸太Reina做司機先車陸永出九龍城接細女,陸 太再入西貢等大女放學。

長期掛在口邊要考牌學車幫輕老婆,不過工作繁 忙未能成事,陸永只好帶住 SimSim 截的士會合媽 咪同家姐 Hannah 。

 

放學鐘聲一響,陸永關切愛錫眼神已經離 不開SimSim,不過亦不忘貼心扶住學校玻 璃門方便其他學童家長離開,認真唔話得。

父女的時光

平時由朝六叫醒兩個女食 早餐返學直踩到夜晚沖涼瞓覺都未見Reina呻 攰,呢日下午至出發湊細女前,陸永都精神不振咁 個樣,要先買杯咖啡提提神。不過開工幾攰幾唔夠 瞓都好,寶貝女提神功效絕對強過杯啡,幼稚園打 鐘放學一見個女出現,陸永一秒打醒精神仲四萬咁 口,兩父女拖住手過馬路、截的士會合老婆同大女 時,一路說說笑笑打打鬧鬧,呢一刻父女時光開心 無價,相信陸永都搶回唔少分!

 

貼心老婆

陸太果然如陸永形容持家有 道又細心,放低老公再揸車 入西貢,先去麵包店買個蛋 糕仔畀返足成日學剛升小的 Hannah醫吓肚。

嗰頭SimSim見到爸爸歡樂滿 瀉夠晒sweet,呢頭Hannah 一見媽媽又環腰黐到實,又 係另一種窩心同溫馨。

 

 

農夫拍住 Do姐做節目咁收 得,自然添食又添食,上周 Do姐帶隊去倫敦Shopping 前喺機上興奮selfie。

 

老婆笑唔識揸車同踩單車,大熱天時永遠著 厚衞衣嘅陸永,早前曾話為影低兩女生活照去 學影相,去到英國更教Do姐影相,最後卻被Do 姐笑呢位陸大師係威係勢,但影相outfocus。

搵食身不由己,不過陸永呢個老竇盡量做到滿分,平時錫到老 婆燶,知個女好想睇 BTS 男團演唱會,仲出動埋 Do 姐撲飛!

離家有牽掛

陸永自知工作忙碌錯過不 少親子時間,上周出發倫 敦前陸太帶埋兩個女送 機,陸永仲喺社交網呻冇 得陪女過生日、又冇得陪 生 B 愛貓坐月,呢次離家 好多心事未了。

延伸閱讀:

細女王麗嘉失戀派「肉照」 老尷王敏德遷怒老婆馬詩慧

【烈火雄心】緊接《法證先鋒III》播出 盤點8套最想深宵重播的超級神劇