似過孖生!盤點10對撞樣明星!你又識幾多對?

東方新地 - 娛聞

早前一集《美女廚房》就玩玩新意思,邀請女嘉賓以姊妹花形式打孖上,除咗喺《愛.回家》中飾演姊妹嘅呂慧儀同蘇韻姿外,仲請到真.孖妹衛蘭同衛詩,以及似到孖生咁款嘅湯洛雯(靚湯)同IG女神倪晨曦 (Elva)上去大展廚藝!其實唔講唔覺,娛樂圈入面都唔少撞樣明星㗎,呢次就一齊嚟睇下佢地有幾似樣啦!

撰文:東方新地|圖片:網上截圖、湯洛雯IG鍾欣潼IG連登討論區

延伸閱讀:

神之馬壯黎諾懿 《BB來了》飾新手爸爸夠傳神

120萬波子代步 黃心穎 年花逾千萬

香港區代表:

1.靚湯(湯洛雯)& 女神倪晨曦 (Elva)

早前佢哋出席活動,都著到孖公仔咁喎!
兩位女神早前愚人節時都喺Instagram上傳圖片,都呃咗唔少人㗎! 左邊係Elva,右邊係靚湯~

佢哋究竟有幾似樣呢?就係似到無綫後製特登為兩人整咗嗰換面特效,而小編睇咗三次都覺得無線好似冇加特效咁⋯⋯

湯洛雯 倪晨曦
呢張係原圖,無特效㗎!
After:小編無呃人!!!睇咗第五次左右就搵到分別㗎啦!大家用足眼力啦!
小編搵埋真.孖生姊妹衛蘭(左)同衛詩(右)俾大家睇下究竟靚湯同Elva似樣得幾得人驚⋯⋯
梁烈唯仲話倪晨曦似郭可盈喎!小編真係好混亂啊~~~
咁都真係有少少似嘅,得少少啦⋯⋯

2.張振朗 & 張智霖

張振朗係美女廚房第二輯嘅其中一個主持人。其實早年佢都有扮下Chilam張智霖,因為傳神而令知名度上升唔少㗎!
有次活動張振朗就攞正牌做「翻版Chilam」。拼埋落真.Chilam度,大家覺得佢地似唔似呢?
講起Chilam就當然不得不提《衝上雲霄》入面嘅Cool魔啦~
戴返副超先!不過呢個其實係張振朗~
呢個先係真.Cool魔啊!(右一)

3. 阿嬌(鍾欣潼) & 何超蓮

阿嬌同超蓮唔單止係公認嘅兩大靚女,仲要係好姊妹,仲仲要樣都有啲似!連超蓮都喺阿嬌IG個Post度留言,叫阿嬌做失散家姐添喎~

連網民都留言話似!


早前佢地仲一齊作客謝霆鋒Chef Lemon嘅節目添!


4.陳瀅 陳僖儀

「陳瀅她不夠愛我,陳瀅我坐後備座~」

就算大家唔記得陳瀅係咩樣,都可能記得之前網民將佢個名變做歌詞萬能Key,其實小編一直都覺得陳瀅同前幾年因車禍過身嘅實力女歌手陳僖儀有啲似樣!

陳瀅
小編當年真係好鍾意聽陳僖儀啲歌!
兩個靚女(左陳僖儀、右陳瀅)都眼大大鼻高高面尖尖,霎眼望落去都真係幾似㗎!

5. 衛詩雅 & 連詩雅

衛詩雅同連詩雅,其實除咗個名似到幾乎一樣之外,其實小編覺得佢地個樣都有少少似㗎,雖然唔係個個認同⋯⋯出道時間都係差兩年㗎咋!

呢個係衛詩雅~
呢個就係女God連詩雅啦,不過近排都唔覺佢有咩搞作咁。大家覺得似唔似呢?

6. 森美 & Otto (王志安)

森美大哥依家都四十有幾,但就愈嚟愈Fit愈有型,近年喺係無綫劇集同綜藝節目都有唔錯嘅表現!唔知大家仲記唔記得佢有個撞樣兄弟Otto (王志安)呢?

左邊係Otto,右邊係森美
黝黑嘅健康膚色加埋個燦爛笑容,真係唔睇真啲都會撈亂啊!

跨地區系列:

7. 吳尊 & 鍾嘉欣

講起撞樣明星,當然不得不提吳尊同嘉欣BB呢對經典組合啦!真係隔幾多年睇都覺得好似樣,成對親生兄妹咁啊!

俊男同美女,五官都一樣咁精緻啦!不過就似樣得有啲得人驚咁囉~
真係好似孖公仔啊!

鍾嘉欣今年三月宣布再度有喜,現時佗B已近八個月,早前嘉欣於社交網上載一張摸住巨肚的相,留言問大家覺得BB係男仔定女仔添!


鍾嘉欣

今胎係囝囝啊!!

吳尊就更早之前已經係人父,仲同仔女一齊上內地節目《爸爸去哪兒》添!
女女NeiNei都生得好可愛㗎!

8. 橋本環奈 & 梁列唯

日本女星橋本環奈形象清純可愛,素來被網民稱為「千年一遇美少女」,係唔少巴打嘅女神。但亦有網民指出佢同TVB藝人梁烈唯撞樣,仲話從此對佢冇哂興趣喎⋯⋯

橋本環奈真係好Pure好True㗎!
本來就同梁烈唯大纜都扯唔埋,但咁拼埋又真係好似喎⋯⋯

9. 蔡思貝 &木村拓哉 & 達哥

其實蔡思貝被網民話同達哥撞樣都唔係第一次㗎啦,但因為達哥又被戲稱同木村拓哉似樣,所以就搞到連蔡思貝都被撞嚟同木村拓哉比較啦!雖然木村拓哉出名有型靚仔,但小編就唔知蔡思貝又鍾唔鍾意呢個比較啦~

左起:達哥,木村拓哉,蔡思貝

 

 

 

 

 

 

唔知大家又覺得佢地三個又冇啲相似呢?

10. 馮盈盈 & AV女優桃谷繪里香

之前馮盈盈喺《後生仔傾下計》大爆覺得自己幾似AV女優桃谷繪里香,當陸浩話唔識嘅時候,佢仲大聲叫陸浩上網搵吓!

AV女優桃谷繪里香(來源:網上圖片)

 

相就睇完啦,大家又覺得邊對撞樣明星最似樣呢?


馮盈盈繼續「性博士」上身 大爆自己似日本女優!

【港姐2018】第二輪面試 整容女唔見晒!候選佳麗小性感見評判

陀第2胎 孫燕姿肥B不肥身! 6大星媽孕期餐單全公開

孫燕姿

延伸閱讀:

視后胡定欣首演舞台劇 飾陸小曼又唱又跳