伯母監場?譚耀文照咀楊恭如

東方日報
譚耀文(左起)、梁琤、何珮瑜及唐文龍赴澳門出席首映。

藝人譚耀文及何珮瑜等主演新片《不義之戰》昨午於澳門舉行首映禮,演精神分裂探員的譚耀文,拍攝回憶已辭世妻子的戲份時,邀得舊拍檔楊恭如特意返港客串兩日,他說:「恭如好耐冇返香港開工,所以由楊媽媽陪伴,不過嗰日拍我哋嘅咀戲。喺伯母面前咀人哋個女真係有啲尷尬,不過伯母話好鍾意睇我做戲,令我減低壓力。」

女主角何珮瑜重提拍攝情況:「今次個個演員都拍得好辛苦,喺最熱嘅夏天開工,仲要加皮褸、皮褲戲服喺戶外拍動作場面,真係好健康,排汗量十足。」更笑指拍完曾去刮痧:「成個背脊紫色,可想而知有幾攰。」