伊健喺度唔敢唱飲歌 馬國明獅城掃口罩失敗

馬國明日前去咗新加坡登台。

視帝馬國明近日精神爽利、心情相當不俗,新年期間更與好友、兄弟姊妹打番四圈聯誼一下。而日前,他前赴新加坡登台,更與鄭伊健同場,認識馬國明的朋友都知他登台或商演時都喜歡揀伊健的歌嚟唱,不過今次就例外,事關伊健喺度,馬國明接受東網訪問時笑謂:「今次都係唱吓歌咁,發吓新年財,可以同伊健一齊登台好開心,不過今次我要避開唱佢啲歌,因為聽過我登台嘅朋友都知我幾鍾意唱佢啲歌,第一我覺得佢啲歌好聽,其次我以前都睇好多《古惑仔》啲戲,嗰幾首歌我都熟,不過今次同佢同台就唔唱嘞!」

而之前馬國明表示去到新加坡會看看有沒有口罩賣,問他有否買到時,他謂:「啲口罩都畀人買晒,但我聽聞新加坡係天氣熱嘅地方,流感各樣都唔太犀利,口罩存貨都冇咁多。」

此外,向來乖仔、孝順的馬國明日前帶母親去試手袋,其母更揀了心頭好,不知幾開心,笑到四萬咁口,馬國明謂:「買個手袋仔啫!佢都好多年冇買,我上年都同佢睇過,佢話啲款唔係好啱,今次揀中個手袋仔。(阿媽好開心喎!)最緊要係開心同身體健康!」