任賢齊髮出異味老婆頂唔順

東方日報
小齊為了角色連戲,一年沒剪頭髮。

藝人任賢齊一向予人乾淨企理感覺,但為演活不修邊幅的角色,除了一年冇剪頭髮,為加強邋遢效果竟不洗頭,頭油加上異味非常惡頂!問到可有被太太陳則妤(Tina)拒絕同床?他笑言:「唔好問呢啲啦!」

任賢齊和謝安琪(Kay)昨日主持單車百萬行開步儀式,提到主演的電影《跑馬》,因導演鈕承澤捲性侵案而復拍無期,但小齊指過去一年為了角色連戲,劇組不准他剪頭髮及剃鬚,保持不修邊幅的造型。

食檳榔嗌暈

問到太太可有投訴?他無奈說:「都係嘅。」並指拍攝期間不可洗頭:「搞到頭油出晒嚟!(試過最耐一次幾多日冇洗頭?)唔知,只知生晒粒粒,個頭有味!(太太拒絕同床?)唔好問呢啲啦,仲要食埋檳榔呀!因為食檳榔會心跳加速,真係食到有啲暈。」

Kay回味老公街頭情歌

戲冇做其他嘢,所以公司要我快啲搵錢。」又稱日前出席慈善跑後肌肉痠痛,醫生指他之前增肥後即減磅,導致肌肉流失,惟有多做帶氧運動。

至於Kay表示今年不會落場踩單車:「因為冇時間練,冇乜信心踩完全程。」提到老公張繼聰情人節在街頭唱冧爆情歌,她笑言:「 呢個年輕人好進擊,做一啲咁年輕嘅嘢,始料不及。(婚後保持浪漫?)佢揀嘅地點,我懷疑係有部署,估唔到佢會做年輕人一啲咁青春氣息嘅舉動, 好佩服佢。」

謝安琪冇時間練習,沒有落場踩單車。