以為部戲死梗 竟贏盡口碑 鎮宇:唔好提 獎搞到心掛掛

1 / 3
■吳鎮宇表示《逆流大叔》票房成績好經已是最大回報。

【星島日報報道】對於電影《逆流大叔》贏盡口碑,吳鎮宇笑謂不要經常提及可會憑該片於各電影頒獎禮得獎,搞到他心掛掛,但認為出來票房成績好勁已是最大回報。

文:鄺芷瑩 圖:譚志光

導演陳永燊與一眾演員吳鎮宇、胡定欣、黃德斌、余香凝等為電影《逆流大叔》現身戲院出席謝票活動,與現場觀眾見面。雖然面對強勁對手《與神同行2》及《多啦A夢:大雄之金銀島》等多套暑假猛片襲擊,但該片贏盡不少口碑,獲得觀眾愛戴入座率達8、9成。鎮宇坦言要堅持到底,但好少遇到好口碑,唯有固定吸納到觀眾先。他說:「好奇怪現象,諗住死啦!應該都無啦!我們又勢均力弱唔會好多宣傳,不過香港人好鍾意睇貼地的事。」至於可有信心憑該片於各電影頒獎禮得獎,鎮宇搞笑謂不要經常提,搞到心掛掛,但出來票房成績好經已是最大回報。談到胡定欣初登上大銀幕,該片獲好成績。他笑說:「我 靠佢 !唔係點解一個全新電影人,但有知名度。」

好有香港味

胡定欣直言覺得自己好幸運,首次參與電影演出獲得如此好成績,加上很多同行支持,自己也是自掏腰包入場觀看,因為覺得幸運,所以點都要撐自己。她說:「我之前純粹睇劇本睇番佢 班大叔劇情,但真係好精采,呢班大叔在生活上遇到的事,我覺得身為香港人好貼地,同埋好有香港味,對白又抵死!」跟鎮宇拍檔演電視劇《衝上雲霄II》及電影《逆流大叔》也獲好成績,問到可覺兩人是最佳組合?她說:「如果咁好組合,唔怕長做長有!我覺得今次呢部電影自己未夠喉,好想仍然有不同機會,對我來講已經好幸運,已經是很好的開始。」

觀眾睇到喊

戲中飾演泰哥的黃德斌,透露日前於街上遇見男觀眾大讚該片好睇,而且睇到喊。他說:「呢位30幾歲男觀眾話覺得泰哥呢個角色背負太多壓力,公司上下都唔係人,加上屋企壓力,佢話好感受到,學識得放下。如果一部電影有人睇完之後有一種共鳴,亦可能受影響到,是一件幾開心的事。」

對於不少人想該片開拍續集,導演兼編劇陳永燊直言度緊,但要認真去構思,但睇番同期推出的電影對手,該片為其中一套港產片外,亦是少數無續集同改編劇本。他說:「既然人 有續集去延續聲勢,我去過好多次謝票活動,好多人問有冇續集?咁要認真去度 。」

■胡定欣初登上大銀幕,希望下次做得更好。

■吳鎮宇表示《逆流大叔》票房成績好經已是最大回報。

■導演陳永燊(前右1)率領一眾演員到戲院謝票。

■莊思敏作為電影《逆流大叔》投資者之一,亦有出席謝票活動。

娛樂

睇更多