代蓮曦丹美疑胃抽筋入院:似有把鉸剪剪緊啲肉嘅感覺

代蓮曦丹美疑胃抽筋入院:似有把鉸剪剪緊啲肉嘅感覺

常言道小病是福,不過大時大節病住喺醫院過,感覺真係好悽涼。代蓮曦丹美(Daisy)離開TVB後機會不斷,致力發展個人潮牌,可能因為工作太忙搞到新一年年頭就要入院:「似有把鉸剪剪緊啲肉嘅感覺。」

Daisy近期除咗忙生意,亦要搞網劇及籌備下月往法國出席巴黎時裝周,豈料就忙出個病來,胃痛不適,仲痛到標晒冷汗,搞到新年流流入醫院:「嗰日係胃痛到好犀利,本身諗住食胃藥休息吓,但愈嚟愈嚴重,好似有把鉸剪剪緊啲肉嘅感覺,好痛苦,跟住休息咗一晚之後,第二朝都係唔得啦,都係要入醫院住,睇醫生嘅結果係胃抽筋。」

其實Daisy向來腸胃麻麻,撞正近期天氣忽冷忽熱,睡眠不足兼飲食不規律,搞到鐵人都瞓低,她說:「好彩今次冇咩事,不過入院時都好驚,因為怕耽誤工作,好彩成功出到醫院趕得切去到澳門做嘢。」

點擊瀏覽《香港01》更多內容和圖集

你可能感興趣:
【潮流日常】代蓮曦丹美只帶三樣化妝物品 一物兩用慳盡手袋位
代蓮曦丹美性感亮相澳門電影節 披自家品牌戰衣做生招牌