《今日VIP》周五播最後一集 同時段將重播綜藝節目 網民:行緊舊亞視條路

吳家樂

無綫早前宣布上月底裁減約350人,喺冬至前夕請員工食「無情雞」,更喺一個月內連cut三個節目,包括J2節目《兄弟幫》、無綫訪談節目《今日VIP》及文教節目《文化廣場》。節目停播後,咁無綫安排咗啲咩節目喺呢個時段播放呢?


《今日VIP》喺平安夜已經完成最後一集嘅錄影拍攝,最後一集嘅嘉賓係葉念琛、孫慧雪以及郭奕芯。視評人方以文喺社交網站話《今日VIP》喺星期五(10日)播放最後一集後,無綫安排咗周六日半小時綜藝節目《3日2夜》、《台灣原味道》及《學是學非》等節目喺同時段重播。

《今日VIP》最後一集嘅嘉賓係葉念琛、孫慧雪以及郭奕芯

唔少網民知道呢個消息後,紛紛留言問無綫係唔係行緊舊亞視條路。