今個星期睇咩戲 超級英雄人性陰暗面

今個星期都幾熱鬧,中西各有猛片登場,本地薑有古天樂為首嘅《追龍II》,西方有《變種特攻》系列外傳黑鳳凰,鍾情睇批判性作品嘅可以睇針對特朗普上場後美國有咩變化嘅紀錄片《華氏11/9》以及真人真事改編揭露教會黑暗面嘅《以思寵之名》,超級英雄到真實生活都有生命中不能承受嘅沉痛。

《變種特攻:黑鳳凰》

一次太空救援任務中,Jean被神秘力量擊中險些喪命;重返地球後,她徹底失控,受盡心魔磨蝕,不由自主地釋放足以威脅天地安危的破壞力,甚至禍及身邊摯愛好友。變種家族人散心碎,必須回復一條心方能拯救Jean,阻止這股絕世魔性力量顛覆天下。

《變種特攻》重啟搵嚟占士麥艾禾、米高法斯賓達、珍妮花羅倫絲、尼古拉斯侯特等紅星,頭2集其實好好睇,可惜後繼無力,今次以黑鳳凰做主力,整體不過不失,其中一個角色發展仲令人婉息!睇黑鳳凰都係想知佢地第日點同MCU合體。

《追龍II:賊王》

高智商悍匪龍志強(梁家輝 飾),在香港回歸前,乘港英政府不作為,而屢犯巨案。先後綁架富豪利家及雷家之長子,勒索超過二十五億元。事主怕被報復,交贖款後承諾不報警,讓龍志強及其團隊一直逍遙法外。

中港兩地警方極為關注,委派香港警方臥底何天(古天樂 飾)潛入龍的犯罪團夥。何天智勇雙全,經多次考驗才成功接近龍志強並伺機行動。但因龍狡兔三窟,而且無前人報案,何天須等待其團隊再次犯案才能予以拘捕。

經過多番的試探,何天終得知龍下一個綁架目標的身份。當何天以為自己取得龍的信任,偷偷配合警方佈下天羅地網之時,方知道此乃另一試探…

同上一集《追龍》由故事同演員都無關係,2集共通點都有黑白2道,警匪對戰!如果你鍾情港產警匪片就不容錯過!

《以恩寵之名》

亞歷山大(梅維爾普普 飾)已為人父,偶然得知童年時曾侵犯他的神父仍然在位,以為已經遺忘的創傷再度隱隱作痛。他鼓起勇氣要採取行動,卻未必得到家人認同,教會更對指控充耳不聞一直緘默。他終於找到另外兩名受害者,並肩作戰互相扶持。

法國導演Ozon新作,有別過往女性為中心,今次專注於受害男性,著眼受害人嘅心理變化,作為虔誠教徒,在信仰、傷痛之間掙扎成長嘅歷程。

《華氏11/9》

通俄、鉛水、槍擊案….佢令美國更強大 抑或世界更崩壞?到底是誰…..「成就」了「侵侵」?

導演米高摩亞2004年拍過紀錄片《華氏911》,指出布殊帶領嘅政府以911恐襲、反恐之名出戰阿富汗、伊拉克等地,造成大量不必要嘅傷亡,2019年版本則探討侵侵上場後,對美國有何影響。