今個星期睇咩戲 睇完冇車返屋企?唔理!

一個星期話咁快又過,剛過去長假期因為商場戲院唔開,所以想睇戲支持下消費都唔得。今個星期又唔知咩環境,分分鐘買咗飛都要退票,又驚睇完戲出嚟無車搭返屋企,不過作為熱愛電影嘅戲迷,有想睇嘅戲都唔會錯過,好似李安導演繼《比利.林恩的中場戰事》後久違3年新作《雙子任務:疊影危機》,好想知導演點樣喺動作片嘅框架下,加入深度同一貫人文精神!

《雙子任務:疊影危機》

頂尖殺手亨利(韋史密夫 飾)打算退出江湖,卻突然被一名神秘的年輕特工追殺。兩人交手期間,亨利更發現對方好像能預測到自己的每一個動作……

賣點:李安導演作品,題材類型絕不重覆,今次拍動作特技大片,新鮮感一流

敗筆: 運用3D+High Film Rate技術(即係每秒60格,比傳統電影速率快2倍!)同用咗最新CG技術幫Will Smith回春。唔習慣會睇到頭暈暈,技術太新,要啲時間適應。

《鯊海47米:狂鯊出籠》

美雅跟著研究瑪雅文明的爸爸移居墨西哥展開新生活,但與繼姊薩莎常常發生磨擦,為了突破家庭僵局,她們膽粗粗與另外兩位朋友潛入水底洞穴探險。四名年輕女孩發現驚世的水底遺址,竟是巨鯊的棲息地。被困水洞的她們,面對出籠狂鯊及氧氣耗盡的危機,如何逃出致命鯊口?這座水底迷宮最後會否成為她們的墳墓…?

賣點:青春玉女同巨鯊玩困獸鬥、緊張刺激

敗筆:刺激還刺激,明明係人類唔生性搞親大自然,結果巨鯊當災,條鯊魚好慘囉。不如下次唔好救啲衰人啦,可能仲刺激喎!

《惡搞便當反「激」戰》

單親媽媽香織如何利用便當,跟剛升上高中的女兒雙葉「戰鬥」的親身爆笑經歷!香織因女兒變得愈來愈難相處,忽發奇想,決定利用便當「向女兒報復」。每天即使再累,也會努力想出便當的主題,將前一天與雙葉發生的事,用紫菜做成簡單文字和圖片作回應,一時是「貞子便當」,一時是「咒怨臉便當」,讓雙葉每天打開便當都有或笑或怒的「驚喜」!

賣點:母女情無敵,有個咁好嘅阿媽日日整靚飯盒,我諗我會極度聽話

敗筆:越睇越肚餓但依家出街食飯好困難!睇唔慣篠原涼子做人阿媽,都係鍾意佢做堅毅中女搵真愛

《愛情攻防戰》

一次偶遇,同為App初創團隊負責人Bomb和June一拍即合,一頓意猶未盡既晚飯,令Bomb腦震盪出新想頭,開發交友App「Inviter」,為有共同興趣既用戶打造嶄新互動平台,其後,一個理念與其極為相似既App「Amjoin」緊隨推出,彼此互搶人氣下載量,而「Amjoin」幕後團隊竟然就係June,從此,靈感女神變成敵人!

為得到創業比賽巨額獎金,雙方互派間諜,不惜一切,務求踢走對方。惡鬥連場卻難阻Bomb同June之間悄悄燃起既愛情火花,甚至成為勝出比賽變數之一…

賣點:泰片獨有小清新,靚仔靚女好笑得嚟故事幾紮實

敗筆:睇完想飛轉曼谷……